29.07.2026 | 11:39
Թրամփը հայտարարել է, որ Զելենսկիի հետ հանդիպումը «շատ լավ» է անցել
Սաակաշվիլին պահանջում է թույլ տալ իր անձնական բժշկին` տեսակցել իրեն․ վիճակն օրեցօր վատանում է
Քաղաքականություն
04.02.2022 | 20:03
Վրաստանի նախկին նախագահ Միխեիլ Սաակաշվիլին պահանջում է թույլ տալ իր անձնական բժշկին` տեսակցել իրեն։ Այս մասին Սաակաշվիլին հայտարարել է Թբիլիսիի քաղաքային դատարանում, որտեղ այսօր քննվում էր «Սահմանների ապօրինի հատման մասին» գործը, գրում է Գրուզիա օնլայնը։
Սաակաշվիլիի խոսքով՝ ոճաբանին առանց որևէ խնդրի թույլ են տվել այցելել իրեն, իսկ անձնական բժշկին արդեն հինգ շաբաթ է՝ թույլ չեն տալիս տեսակցել։
«Վերջերս կտրել էի մազերս, նախօրեին ոճաբանի եմ կանչել բանտ։ Երեկ նա եկավ և կտրեց մազերս։ Արդեն հինգ շաբաթ է՝ իմ անձնական բժիշկ Նիկա Կիփշիձեն, որը եկել է Նյու Յորքից, ամեն օր դիմումներ է գրում, որ թույլ տան ինձ այցելել։ Իվանիշվիլիի հրամանով բժիշկներին թույլ չեն տալիս ինձ այցելել հինգ շաբաթ, սա այն պայմաններում, երբ ես շատ ուժեղ թուլություն ունեմ, կյանքումս առաջին անգամ լուրջ խնդիրներ ունեմ հիպերտոնիայի հետ, ունեմ շատ ծանր անեմիա, շատ այլ խնդիրներ․ իմ վիճակն օրեցօր վատանում է»,- ասել է Սաակաշվիլին։
Տաթև Ֆռանգյան
