21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Վլադիմիր Պուտինը Պեկինում է․ Սի Ցզինպինը հայտարարել է քաղաքական ու ռազմավարական փոխվստահության աճի մասին
Քաղաքականություն
04.02.2022 | 12:36
Ռուսաստանի նախագահ Վլադիմիր Պուտինը մեկօրյա այցով ժամանել է Պեկին, որտեղ բանակցություններ կվարի Չինաստանի ղեկավար Սի Ցզինպինի հետ, ինչպես նաև ներկա կլինի Ձմեռային Օլիմպիական խաղերի բացման արարողությանը, հաղորդում է «Ինտերֆաքսը»։
Կրեմլում նշել են, որ Ռուսաստանի Դաշնության և Չինաստանի ղեկավարների միջև բանակցությունները լինելու են լիարժեք՝ չնայած չինական կողմի սահմանած սահմանափակումներին՝ կապված կորոնավիրուսային համաճարակի հետ։ Այդ պատճառով Պուտինին Պեկինում ուղեկցում է շատ փոքր պատվիրակություն, որը, ինչպես նշել է նախագահի օգնական Յուրի Ուշակովը, սովորական պայմաններում երկու անգամ ավելի մեծ կլիներ։
ՌԻԱ Նովոստիի հաղորդմամբ՝ Պուտինն ու Սի Ցզինպինը սկսել են բանակցությունները, որոնց ընթացքում կքննարկվի հարցերի լայն շրջանակ։
«Աճում է քաղաքական և ռազմավարական փոխվստահությունը: Կողմերը հավատարիմ են մնում սկզբնական նպատակներին՝ անդադար ջանքեր գործադրելով երկկողմ հարաբերությունների կայուն զարգացման համար»,- ասել է Չինաստանի ղեկավարը Պուտինի հետ հանդիպման սկզբում։
Տաթև Ֆռանգյան
