14.09.2026 | 11:33
Հաջիևը մեր պատմությունը աղվանական է ներկայացնում, դիրքորոշո՛ւմ հայտնեք․ Գրիրգորյանը՝ Ռուբինյանին․ ՏԵՍԱՆՅՈՒԹ
Թուրքիայի խորհրդարանը վավերացրել է Ադրբեջանի հետ ռազմական համագործակցության մասին «Շուշիի հռչակագիրը»
Քաղաքականություն
04.02.2022 | 14:20
Թուրքիայի խորհրդարանը վավերացրել է Ադրբեջանի հետ ռազմական համագործակցության մասին «Շուշիի հռչակագիրը», հաղորդում է ՌԻԱ Նովոստին։
Ավելի վաղ Ադրբեջանի Միլի Մեջլիսը ևս հաստատել էր Թուրքիայի հետ դաշնակցային հարաբերությունների մասին այս հռչակագիրը։
«Շուշիի հռչակագիրը», որը նախկինում քննարկման էր ներկայացվել արտաքին հարաբերությունների հանձնաժողովում և ստորագրվել խորհրդարանի խոսնակ Մուստաֆա Շենթոփի կողմից, բարձր է գնահատվել արտաքին հարաբերությունների հանձնաժողովում և խորհրդարանում ներկայացվել որպես «պատմական կարևոր փաստաթուղթ»։ Դրա ընդունմանը կողմ է քվեարկել 266 պատգամավոր։
Անցյալ տարվա հունիսի 15-ին Թուրքիայի և Ադրբեջանի նախագահներ Ռեջեփ Թայիփ Էրդողանի և Իլհամ Ալիևի կողմից ստորագրված «Շուշիի հռչակագրի» տեքստում, մասնավորապես, նշվում է, որ «երկու երկրները համատեղ կգործեն երրորդ պետության կողմից սպառնալիքի կամ ագրեսիայի դեպքում»։ Հռչակագրում նշվում է նաև, որ «կողմերը կշարունակեն համատեղ ջանքերը՝ ժամանակակից պահանջներին համապատասխան երկու եղբայրական երկրների զինված ուժերի արդիականացման համար»։
Տաթև Ֆռանգյան
