21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
«ԻՊ» առաջնորդն ինքնասպան է եղել՝ պայթեցնելով նաև ընտանիքի անդամներին
Քաղաքականություն
04.02.2022 | 11:30
«Իսլամական պետություն» ահաբեկչական խմբավորման առաջնորդ Աբու Իբրահիմ ալ-Հաշիմի ալ-Քուրայշին պայթեցրել է ինքն իրեն ու իր ընտանիքի անդամներին, երբ Սիրիայում նրա տունը գրոհի է ենթարկվել ԱՄՆ հատուկ ջոկատայինների կողմից։ Այս մասին հայտնել է ԱՄՆ նախագահ Ջո Բայդենը, գրում է BBC-ի ռուսական ծառայությունը։
Ալ-Քուրայշիի հետ միասին զոհվել է նաև նրա տեղակալը։ Ալ-Հաշիմի ալ-Քուրայշին «Իսլամական պետության» խալիֆ էր հայտարարվել 2019 թվականի աշնանը, այն բանից հետո ինչ Աբուբակրա ալ-Բաղդադին ևս սպանվել էր ամերիկացիների կողմից։
Հիշեցնենք՝ երեկ Սպիտակ տունը ԱՄՆ նախագահ Ջո Բայդենի հայտարարությունն էր տարածել, որում ասվում է․
«Անցած գիշեր իմ որոշմամբ ԱՄՆ ռազմական ուժերը Սիրիայի հյուսիս-արևմուտքում հաջողությամբ իրականացրել են հակաահաբեկչական գործողություն՝ պաշտպանելու Ամերիկայի ժողովրդին ու մեր դաշնակիցներին և աշխարհն ավելի ապահով դարձրելու համար։ Մեր Զինված ուժերի հմտության և խիզախության շնորհիվ, մենք ոչնչացրել ենք Աբու Իբրահիմ ալ-Հաշիմի ալ-Քուրայշիին՝ ԻԼԻՊ-ի առաջնորդին»,- ասվում է ԱՄՆ նախագահի հայտարարության մեջ։
Տաթև Ֆռանգյան
