14.09.2026 | 11:33
Հաջիևը մեր պատմությունը աղվանական է ներկայացնում, դիրքորոշո՛ւմ հայտնեք․ Գրիրգորյանը՝ Ռուբինյանին․ ՏԵՍԱՆՅՈՒԹ
Բաքուն նեղացել է թուրք պատգամավորից․ Ադրբեջանի ԱԳՆ-ն նրանից ներողություն է պահանջել
Քաղաքականություն
03.02.2022 | 22:34
Ադրբեջանի ԱԳՆ մամուլի ծառայության ղեկավար Լեյլա Աբդուլլաևան հայտարարել է, որ պաշտոնական Բաքուն Թուրքիայի խորհրդարանի ընդդիմադիր Ժողովրդահանրապետական կուսակցության պատգամավոր Հայկութ Էրդողդուից ներողություն է պահանջում՝ էներգետիկայի ոլորտում ադրբեջանա-թուրքական համագործակցության ու երկու երկրների նախագահների հասցեին հայտարարություններ անելու համար, գրում են տեղական լրատվամիջոցները։
«Թուրքիայի և Ադրբեջանի միջև բարեկամանական ու եղբայրական հարաբերությունները, որոնք ձևավորվել են երկու երկրների ղեկավարության համատեղ ջանքերի արդյունքում, թույլ են տվել Ադրբեջանին այսօրվա դրությամբ Թուրքիայում ներդնել ավելի քան 19 միլիարդ դոլար»,- ասել է Աբդուլլաևան։
Նա նշել է, որ Ադրբեջանը նշանակալի ներդրումներ է կատարել Թուրքիայի էներգետիկայի ոլորտում ՝ապահովելով նրա էներգետիկ անվտանգությունը։ Աբդուլլաևան նշել է, որ երրորդ ուժերի ոչ մի մանիպուլյացիա ի վիճակի չէ վնասել թուրք-ադրբեջանական հարաբերություններին։
«Ցավոք, սա առաջին դեպքը չէ, երբ CHP կուսակցության ներկայացուցիչը հակաադրբեջանական դիրքորոշում է ընդունում և անհիմն մեղադրանքներով փորձում ջուրը պղտորել։ Սակայն այդ փորձերն ապարդյուն են, քանի որ հայամետ քաղաքական գործիչների ոչ մի մանիպուլյացիա չի կարող ստվերել թուրք-ադրբեջանական հարաբերությունները»,- ասել է նա։
Աբդուլլաևան նշել է, որ Բաքուն Էրդողդուից ներողություն է պահանջում իր հայտարարությունների համար։
«Ադրբեջանական կողմը CHP-ի պատգամավորից պահանջում է ներողություն խնդրել անհիմն մեղադրանքների համար։ Հակառակ դեպքում՝ մենք իրավունք ենք վերապահում այդ հարցը բարձրացնել իրավական հարթությունում»,- ասել է Ադրբեջանի ԱԳՆ մամուլի ծառայության ղեկավարը։
Նշենք, որ Ժողովրդահանրապետական կուսակցությունը Թուրքիայի գլխավոր ընդդիմադիր ուժն է։
Էմմա Չոբանյան
