06.10.2026 | 16:30
ԱԺ-ում հայտարարությունների ժամ է. ՈՒՂԻՂ
Ինչո՞ւ է վթարի դեպքում թանկանում սեփականատիրոջ բոլոր մեքենաների ԱՊՊԱ-ն․ պարզաբանում է Ապահովագրողների բյուրոյի ներկայացուցիչը. ՏԵՍԱՆՅՈւԹ
Հասարակություն
03.02.2022 | 21:14
Փետրվարի 7-ից ավտոմեքենայի ապահովագրության վճարի հաշվարկման նոր համակարգ կգործի, ըստ որի, վարորդների մի մասի համար ԱՊՊԱ-ն կթանկանա, մի մասի համար՝ կէժանանա։
Լուրը հանրության շրջանում բուռն քննարկումների առիթ է դարձել։ Քաղաքացիներից շատերը դժգոհ են ԱՊՊԱ համակարգից, փոխհատուցումների չափից և նշում են, որ չեն պատրաստվում վատ որակի ծառայության համար ավելին վճարել։
Ապահովագրողների բյուրոյի գործադիր տնօրեն Վաղինակ Եղիազարյանի խոսքով՝ կա հստակ համակարգ, իսկ սխալների դեպքում՝ բողոքարկման տարբերակ։
«Դա հստակ կարգավորված է, թե գնահատելուց ինչպիսի պահեստամասերով պետք է փոխարինվի։ Կոնկրետ գրված է, որ պետք է լինի գործարանային պահեստամաս, ավելի հին մեքենաների համար ասվում է, որ պահեստամասի գինը հաշվարկելիս պետք է հաշվի առնել մաշվածությունը՝ վերցնելով գործարանայինը։ Եթե դա չկա շուկայում, վերցնել փոխարինողը։ Այնտեղ սահմանված է, թե որ դեպքում ինչ ես անելու, որ կամայականություններ չլինեն գնահատողների դեպքում: Օրինակ՝ մեքենա կարող է լինել, որ 3000 դոլար արժե, և մի ինչ-որ պահեստամաս եթե նորով փոխարինվի, ինքը մոտավոր այդ մեքենայի արժեքին պետք է լինի»,- Factor TV-ի հետ զրույցում մասնավորապես նշեց Եղիազարյանը։
Մանրամասները՝ տեսանյութում։
Անժելա Պողոսյան
