18.05.2026 | 21:43
6 տարվա ընդմիջումից հետո կվերսկսվի Բաքվի և Թբիլիսիի միջև մայիսի 26-ից ամենօրյա ուղևորատար գնացքների երթևեկությունը
Ինչո՞ւ պետք է ԱՊՊԱ-ի բարձրացված վճարը քաղաքացին տա․ արդյո՞ք պետությունն այստեղ անելիք չունի. ՏԵՍԱՆՅՈւԹ
Հասարակություն
03.02.2022 | 20:10
Փետրվարի 7-ից մեքենայի ապահովագրության վճարի հաշվարկման նոր համակարգ կգործի, ըստ որի՝ վարորդների մի մասի համար ԱՊՊԱ-ն կթանկանա, մի մասի համար՝ կէժանանա։
Քաղաքացիներից շատերը դժգոհ են ԱՊՊԱ համակարգից, փոխհատուցումների չափից ու նշում են, որ չեն պատրաստվում վատ որակի ծառայության համար ավելին վճարել։ Ապահովագրողների բյուրոն, որը կայացրել է այս որոշումը, հակադարձում է՝ ռեսուրսների խնդիր կա։
Իսկ ինչո՞ւ պետք է քաղաքացին ավելի վճարի ստացած ծառայության դիմաց, որից դժգոհ է, արդյո՞ք պետության միջամտության կարիքը չկա այստեղ։ Factօr TV-ի հետ զրույցում բյուրոյի գործադիր տնօրեն Վաղինակ Եղիազարյանը նշում է, որ ի սկզբանե պետության փողերի հետ համակարգը որևէ առնչությւոն չի ունեցել։
«Պետական սուբսիդավորում ի սկզբանե չի եղել։ Ես չգիտեմ՝ այլ երկրներում ինչպես է։ Սովորաբար նման ձևով չի կարգավորվում հարցը։ Միգուցե, ինչ-որ ժամանակ պետությունն արել է որոշակի բաներ, բայց մենք պետական մարմին չենք, ուղղակի չենք կարող պահանջել կամ փորձել հարցն այդ ուղղությամբ լուծել։ Այսինքն՝ ի սկզբանե ոնց համակարգը ներդրվել է՝ ապահովադիրների միջոցներով հավաքագրվում է և հատուցումները տրամադրվում են դրա հաշվին, նույն տրամաբանությամբ էլ այս վերջին փոփոխություններն են արվել»,- ասում է նա։
Բյուրոյի ղեկավարը նաև անդրադառնում է ASWA համակարգի վերաբերյալ բողոքներին, ինչպես նաև հարցին, թե ինչու վթարից հետո մեղավոր կողմին որոշում է ոչ թե Ոստիկանությունը, այլ փորձագիտական խումբը։
Մանրամասները՝ տեսանյութում։
Անժելա Պողոսյան
