12.12.2024 | 22:33
Հայաստանի մի շարք հասցեներում էլեկտրաէներգիայի անջատումներ կլինեն
Մոսկվայի դատարանը ևս մեկ գործ է գրանցել Նավալնիի դեմ
Քաղաքականություն
03.02.2022 | 17:44
Մոսկվայի Լեֆորտովոյի շրջանային դատարանը փետրվարի 2-ին քրեական գործ է հարուցել ընդդիմադիր գործիչ Ալեքսեյ Նավալնիի նկատմամբ խարդախության և դատարանի նկատմամբ անհարգալից վերաբերմունքի վերաբերյալ։ Դատական նիստի օրը դեռ նշանակված չէ, գրում է DW-ի ռուսական ծառայությունը։
Խարդախության գործը բացվել է 2020 թվականի վերջին։ Հետաքննությունը քաղաքական գործչին և նրա թիմին կասկածում է 356 միլիոն ռուբլու նվիրատվությունների յուրացման մեջ։
Դատարանի նկատմամբ անհարգալից վերաբերմունքի վերաբերյալ գործի հարուցման մասին էլ հայտնի դարձավ 2021 թվականի մայիսին։ Խոսքը Մոսկվայի Բաբուշկինսկի շրջանի N321 բաժնի դատավոր Վերա Ակիմովային իբրև վիրավորանք հասցնելու վերաբերյալ է, որը Նավալնիին մեղավոր է ճանաչել վետերանին զրպարտելու համար։
Հիշեցնենք, որ Ալեքսեյ Նավալնին ձերբակալվել է 2021 թվականի հունվարի 17-ին՝ Գերմանիայից Մոսկվա վերադառնալուց հետո, որտեղ բուժման և վերականգնողական կուրս էր անցնում «Նովիչոկ»-ով թունավորվելուց հետո։ Փետրվարին Իվ Ռոշեի գործով պայմանական ազատազրկումը դատարանը փոխարինել է իրականով։ Ընդդիմադիր գործիչը պետք է կալանքի տակ անցկացնի 2 տարի 6 ամիս։
