21.04.2026 | 13:05
Արման Ծառուկյանը մտադիր է ինքնաթիռ գնել
Դե ասեք՝ քանի հոգի էր 5000 դրամով տուգանվում ու քանիսը՝ 500 հազարով. Վարդևանյանը՝ Արմեն Խաչատրյանին․ ՏԵՍԱՆՅՈՒԹ
Հասարակություն
03.02.2022 | 13:17
ՀՀ ազգային ժողովի պաշտպանության և անվտանգության հարցերի մշտական հանձնաժողովում այսօր քննարկվեց «Հայաստան» խմբակցության ներկայացրած նախագծին, որով առաջարկվում է հանել ճանապարհային երթևեկության խախտումների դեպքում կիրառվող տուգանման բալային համակարգը:
Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին օրենքի նախագիծը հանձնաժողովում ներկայացրեց «Հայաստան» խմբակցության պատգամավոր Արամ Վարդևանյանը:
«Անդաստիարակները չեն միայն, որ բալեր են կորցնում, առավելապես հենց նորմալ վարորդներն են իրենց բալերից տուժում»,- նշեց Վարդևանանը:
«Ասվում է տուգանքի չափի նվազեցում է տեղի ունեցել… Խնդիրը ոչ թե 500 000 դրամի տուգանք էր, այլ 5 000, 10 000, 20 000 դրամի տուգանքների շատ կիրառումն էր, ինչը սոցիալական խնդիր առաջացնող հանգամանք է…
Դե ասեք վիճակագրական տվյալը՝ քանի՞ հոգի էր 5000 դրամով տուգանվում ու քանիսը՝ 500 հազարով.»,- նշեց Վարդևանյանը՝ դիմելով «Քաղաքացիական պայմանագիր» խմբակցության պատգամավոր Արմեն Խաչատրյանին:
Հանձնաժողովում երկար քննարկումից հետո նախագիծը ստացավ բացասական եզրակացություն:
Մանրամասները՝ տեսանյութում:
