21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Պենտագոնը մեկնաբանել է ՌԴ-ին «անվտանգության երաշխիքների» վերաբերյալ ԱՄՆ-ի պատասխանի «արտահոսքը»
Քաղաքականություն
03.02.2022 | 13:39
Պենտագոնը հաստատել է, որ լրատվամիջոցներում ավելի վաղ հրապարակված տեքստն իսկապես ԱՄՆ-ի գրավոր պատասխանն է Ռուսաստանին՝ «անվտանգության երաշխիքների» վերաբերյալ նրա առաջարկներին։ Այս մասին Վաշինգտոնում կայացած ճեպազրույցում հայտարարել է Պենտագոնի խոսնակ Ջոն Քիրբին։
Նա հաստատել է արտահոսքը՝ հավելելով, որ փակ բանակցություններում ԱՄՆ-ի դիրքորոշման և հրապարակային հայտարարությունների միջև տարբերություն չկա:
«ԱՄՆ-ի առաջարկները հայտնվել են եվրոպական լրատվամիջոցներում: Մենք այս փաստաթուղթը չհրապարակեցինք: Բայց հիմա, երբ ամբողջ աշխարհը տեսավ այն, կարող եք հասկանալ, որ մենք իրավացի ենք, երբ ասում ենք՝ մեր հրապարակային հայտարարությունների և փակ բանակցություններում մեր դիրքորոշումների միջև տարբերություն չկա»,- ասել է Պենտագոնի խոսնակը։
Քիրբին նաև ասել է, որ փաստաթղթերի հրապարակումից հետո կարելի է ասել, որ Ռուսաստանի Դաշնության և ԱՄՆ-ի միջև երկխոսության հնարավորություններ կան։
Տաթև Ֆռնգյան
