15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Դոնեցկից հայտնել են, որ Կիևը պատրաստվում է Դոնբասում ակտիվ ռազմական գործողությունների․ Ուկրաինան հերքում է
Քաղաքականություն
03.02.2022 | 16:22
Ուկրաինան շարունակում է Դոնբասում ակտիվ ռազմական գործողությունների նախապատրաստումը։ Սպուտնիկի հաղորդմամբ՝ այս մասին հայտարարել է ինքնահռչակ Դոնեցկի ժողովրդական հանրապետության ոստիկանության ներկայացուցիչը։
Նա նշել է, որ շփման գծում իրավիճակը մնում է լարված։ Հիմնվելով հետախուզության տվյալների վրա՝ գերատեսչության ներկայացուցիչն ասել է, որ Ուկրաինայի պետական սահմանային ծառայությունը փետրվարի 20-ից սահմանափակել է 18-ից 45 տարեկան տղամարդկանց մեկնումը երկրից։ Խուճապից խուսափելու համար սահմանապահները որպես մեկնելն արգելելու պատճառ նշում են տվյալների բազայում վիզաների մասին տեղեկատվության բացակայությունը, ալիմենտ չվճարելը և այլն։
Ի պատասխան այս հայտարարությունների՝ Ուկրաինայի ՊՆ ղեկավարը հայտարարել է, որ Կիևը որևէ հարձակում չի նախատեսում ո՛չ Դոնբասում, ո՛չ Ղրիմում, Կիևը չի պատրաստվում որևէ մեկին «նվաճել», քանի որ խոսքն ուկրաինացիների կյանքի մասին է, գրում է ՌԻԱ Նովոստին։
«Ուկրաինան չի ծրագրում որևէ հարձակում Դոնբասի կամ Ղրիմի վրա: Մենք խոսում ենք միայն Ռուսաստանի Դաշնության հետ այս զինված միջազգային հակամարտությունը լուծելու քաղաքական և դիվանագիտական հարթակի մասին: Ես ուզում եմ հանգստացնել բոլորին Մոսկվայում. այսօր ոչ ոք չի ծրագրում գրավել որևէ մեկին, քանի որ խոսքը մարդկանց կյանքի մասին է, առաջին հերթին՝ ուկրաինացիների կյանքի»,- ճեպազրույցի ժամանակ ասել է Ալեքսեյ Ռեզնիկովը՝ մեկնաբանելով ՌԴ նախագահ Վլադիմիր Պուտինի՝ Ղրիմը ուժով գրավելու Ուկրաինայի մտադրության մասին հայտարարությունը։
Տաթև Ֆռանգյան
