Ալեն Սիմոնյանի առեղծվածային գործարքը. ինչպե՞ս է 20 մլն դրամանոց գույքը վաճառվել 5 անգամ թանկ․ ՏԵՍԱՆՅՈւԹ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Մի քանի օր է՝ քննարկվում է, որ Հայաստանի նախագահի պարտականությունները կատարող Ալեն Սիմոնյանը թաքցրել և չի հայտարարագրել Երևանի Աբովյան փողոցի շենքերից մեկում իրեն պատկանող բնակարանը: Այս տեղեկությունը հրապարակեց «Փաստերի ստուգման հարթակը»՝ հրապարակելով Կադաստրի կոմիտեից ստացված տեղեկությունը, որին հաջորդեց Ալեն Սիմոնյանի հերքումը:

Պարզելու համար, թե ով է բնակվում Աբովյան փողոցի 62 հասցեի 6-րդ բնակարանում և արդյո՞ք վերջինս կարող է սեփականատիրոջ վերաբերյալ տեղեկություններ փոխանցել, այցելեցինք նշված բնակարան: 62 հասցեում գտնվող շենքի 6-րդ բնակարանում մեր այցելության պահին մարդ չկար: Հարևաններից մեկը, որը չցանկացավ տեսանկարահանվել, նշեց, որ այնտեղ բնակվում է Իրանի քաղաքացի:

Պարզվում է՝ այս բնակարանն իսկապես պատկանել է Ալեն Սիմոնյանին, բայց նա անշարժ գույքը 2016 թվականին վաճառել է։ Կադաստրի կոմիտեի բազայում, սակայն, այն մնացել է որպես Սիմոնյանի սեփականություն: Այս մասին այսօր տարածված հաղորդագրությամբ նշել է Կադաստրի կոմիտեն:

Նշենք, որ նույն շենքում մեկ այլ բնակարան ունեն Ալեն Սիմոնյանի ընտանիքի անդամները, որոնք շարունակում են այնտեղ բնակվել:

Ալեն Սիմոնյանի այս բնակարանի հետ կապված թյուրըմբռման պարզաբանմանը զուգահեռ՝ բարձրաստիճան պաշտոնյայի մեկ այլ բնարականի առք ու վաճառքի գործարքն է հարցեր հարուցում։ Ընդ որում, չպարզաբանված այդ հարցերը նոր չեն հնչում։ Ինչպե՞ս է արդեն Հայաստանի նախագահի՛ պարտականությունները կատարող Ալեն Սիմոնյանին հաջողվում Երևանի կենտրոնում գտնվող էլիտար շենքում էժան բնակարան գնել, հետո այն բարձր գնով վաճառել և նույն շենքում ավելի ընդարձակ, բայց կրկին էժան բնակարան գնել: Բանն այն է, որ Ալեն Սիմոնյանը 2019 թվականի մայիսին 125 մլն դրամով վաճառել է Եկմալյան 1/1 հասցեում գտնվող 77․97 քմ մակերեսով բնակարանը, որը 2017-ին գնել էր 22 մլն դրամով: Ասել է թե՝ երկու տարի անց նա իր բնակարանը վաճառել է գնածից հնգակի թանկ։ Եվ դարձյալ 2019 թվականին Սիմոնյանը նույն շենքի վերջին հարկերում ձեռք է բերել ավելի մեծ բնակարան՝ 143,23 քմ մակերեսով, որի համար վճարել է 114 մլն դրամ:

Ալեն Սիմոնյանը նշում է՝ 2017 թվականին գնված բնակարանն ավելի քան հնգակի թանկ գնով 2019-ին վաճառել է ռուսաստանաբնակ մի անձի, և դա, ըստ Սիմոնյանի, այն փուլում է եղել, երբ հետհեղափոխական Հայաստանում բնակարանների վաճառքի բում էր։

Երեկ Ալեն Սիմոնյանն անդրադառնալով հարցին, թե այս իշխանությունը ևս թաթախված է կոռուպցիայի մեջ, նշել էր՝ եթե կոռուպցիոն գործարքների մեջ լինեն, պատասխանատվությունից «չեն պլստա»: Factor TV-ի հետ զրույցում Ալեն Սիմոնյանը բացառեց, որ բնակարանի համար, այսպես ասած, «սև փողեր» է վճարել:

Եվս մեկ սեփականություն Ալեն Սիմոնյանի ընտանիքը ձեռք է բերել հեղափոխությունից հետո՝ 2020 թվականին: Խոսքը 140 հազար դոլարով գնված առանձնատան մասին է, որը գտնվում է Կոտայքի մարզի Ջրվեժ համայնքի Եռագույն 1 հասցեում:

Սիմոնյանը հավաստիացնում է, որ այստեղ վերանորոգում չեն իրականացնում և հատուկ իր ընտանիքի համար ջրագիծ չեն փորում, ինչպես մամուլն էր բարձրաձայնել: Փոխարենը ոստիկանությունն է անցակետ դրել և Սիմոնյանների անդորրն է հսկում:

Մանրամասները՝ տեսանյութում։

Նարեկ Կիրակոսյան