10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
ԱՄՆ-ն առաջիկա օրերին լրացուցիչ զորքեր կտեղափոխի Արևելյան Եվրոպա․ Ջո Բայդենը հավանություն է տվել
Քաղաքականություն
02.02.2022 | 19:34
ԱՄՆ նախագահ Ջո Բայդենը հավանություն է տվել Արևելյան Եվրոպա լրացուցիչ զորքեր ուղարկելուն։ Այս մասին գրում է ՏԱՍՍ-ը։ ՏԱՍՍ-ը։
CNN հեռուստաալիքը, վկայակոչելով ԱՄՆ վարչակազմում իր աղբյուրներին, հաղորդում է, որ զորքերի տեղափոխումը տեղի է ունենալու առաջիկա օրերին։
Հեռուստաընկերության աղբյուրի տվյալներով՝ Լեհաստանում կտեղակայվի 2000 զինծառայող, ևս «մի քանի հազար» զինվորական էլ կտեղակայվի ՆԱՏՕ-ի հարավարևելյան թևում, այդ թվում՝ Ռումինիայում։ Սպասվում է, որ Պենտագոնը շուտով պաշտոնապես կհայտարարի լրացուցիչ ուժերի տեղակայման մասին։
Իր հերթին, The Wall Street Journal-ը հայտնում է, որ ԱՄՆ-ը Գերմանիայից Ռումինիա կտեղափոխի մոտ 1000 զինվորականի՝ ՆԱՏՕ-ի արևելյան թևի ուժեղացման շրջանակում:
Լրատվամիջոցը գրում է, որ Պենտագոնը հրամայել է ևս մի քանի հազար զինծառայողի բերել բարձր պատրաստվածության՝ Եվրոպա հնարավոր տեղափոխման դեպքում։
«Բացի այդ, Պենտագոնը հույս ունի Եվրոպայի ներսում այլ տեղափոխումներ իրականացնել և հրամայել է ևս մի քանի հազար զինծառայողների պատրաստ լինել տեղակայման համար՝ 8․500-ից զատ, որոնք նման հրաման են ստացել նախորդ շաբաթ»,- գրում է լրատվամիջոցը։
Էմմա Չոբանյան
