08.06.2026 | 13:24
2025 թվականի բյուջեի կատարողականի նախնական քննարկումները ԱԺ-ում. ՈՒՂԻՂ
Պուտինը և Սի Ցզինպինը միջազգային հարաբերությունների վերաբերյալ համատեղ հայտարարություն կընդունեն
Քաղաքականություն
02.02.2022 | 21:19
Փետրվարի 4-ին Ռուսաստանի պատվիրակության՝ Պեկին այցի ընթացքում ՌԴ նախագահ Վլադիմիր Պուտինը և Չինաստանի նախագահ Սի Ցզինպինը համատեղ հայտարարություն կընդունեն նոր դարաշրջան մտնող միջազգային հարաբերությունների վերաբերյալ, ինչպես նաև դեմ առ դեմ կխոսեն։ Այս մասին, ՌԻԱ Նովոստիի փոխանցմամբ, հայտնել է ՌԴ ղեկավարի օգնական Յուրի Ուշակովը։
«Բանակցությունների համար նախապես պատրաստվել է համատեղ հայտարարություն՝ նոր դարաշրջան մտնող միջազգային հարաբերությունների ու գլոբալ կայուն զարգացման վերաբերյալ: Այս համատեղ հայտարարությունը կարտացոլի Ռուսաստանի և Չինաստանի ընդհանուր տեսակետները համաշխարհային կարևորագույն խնդիրների, այդ թվում՝ անվտանգության հարցերի վերաբերյալ»,- ասել է Ուշակովը:
Նա հավելել է, որ բանակցություններից հետո երկու պետությունների ղեկավարների համար նախատեսված է առանձին ճաշ:
«Հաղորդակցության այս ձևաչափը հնարավորություն կտա հնարավորինս անկեղծ և վստահորեն քննարկել միջազգային և երկկողմ կարևորագույն հարցերն ու խնդիրները: Երեկոյան, այցի ծրագրի համաձայն, մեր նախագահը կմասնակցի 24-րդ Ձմեռային օլիմպիական խաղերի բացման արարողությանը»,- հավելել է Ուշակովը։
Տաթև Ֆռանգյան
