20.11.2024 | 16:30
Հայտնաբերվել են ալկոհոլային խմիչքի ընդհատակյա արտադրամասեր
Փաշինյանը սեպտեմբերի 27-ին խոսեց տարածքների հանձնման մասին, բոլորը նստած տեղից գոռում էին՝ «Ո՛չ». Գևորգ Պապոյան․ ՏԵՍԱՆՅՈՒԹ
Քաղաքականություն
02.02.2022 | 15:51
Սերժ Սարգսյանն իր վերջին հարցազրույցում քննադատության է ենթարկել իշխանությանը մասնավորապես արցախյան համակմարտության շուրջ բանակցային գործընթացի վերաբերյալ: «Միայն նախկիններին վարկաբեկելու համար գնացել են ավանտյուրայի»,- նշել է Սարգսյանը՝ հավելելով, որ այս իշխանությունը ուզում էր բանակցությունները սեփական կետից սկսել, սակայն անհաջողության մատնվեց:
Factor.am-ի հետ զրույցում «Քաղաքացիական պայմանագիր» խմբակցության պատգամավոր Գևորգ Պապոյանն անդրադառնալով այս դիտարկմանը՝ նշեց, որ Սարգսյանի առաջ քաշած այս թեզերը ընդամենն արդարացումներ էին, բայց անհաջող արդարացումներ, որովհետև նրա ամեն հաջորդ միտքը նախորդի ժխումը կարծես լիներ:
«Սերժ Սարգսյանը 2018-ին ԱԺ-ում հայտարարել է, որ բանակցային փակուղում են և լուծում չկա: Աելին՝ նա հասկանում է, որ իր բանակցածը հասցնելու է մի կետի, որ պատերազմն անխուսափելի է լինելու: Ըստ էության՝ ստեղծվել է իրվաիճակ, որ նա ծանոթացել է փաստաթղթերին, ըստ որոնց՝ կա՛մ պետք է հանձնել հողերը, կա՛մ պետք է լինի պատերազմ:
Մեր շխանությունը հուսահատ փորձեր է կատարել՝ ա) պատերազմ չլինելու և բ) հնարավոր պատերազմի պարագայում հաջողության հասնելու համար»,- նշեց Պապոյանը:
«Գնացել բանակցել են հողեր հանձնելու շուրջ, եկել այստեղ «ոչմիթիզականությունից» են խոսել: Իսկ Նիկոլ Փաշինյանը փորձում էր իրենց բանակցածը բերել ինչ-որ հուն, որ եթե Ռոբերտ Քոչարյանն ու Սերժ Սարգսյանը անդառնալի կետի են հասցրել, ու պատերազմը անխուսափելի է դարձել, ապա պատրաստ լինենք պատերազմին»,- նշեց պատգամավորը:
Նա նաև ընդգծեց, որ Փաշինյանը սեպտեմբերի 27-ին խոսեց տարածքների հանձնման մասին, բոլորը նստած տեղից գոռում էին՝ «Ո՛չ»:
Մանրամասները՝ տեսանյութում:
