Քաղաքականություն
02.02.2022 | 14:51
Բաղդադի օդանավակայանը կրկին հրթիռակոծության է ենթարկվել: Այս մասին հայտնում է Mehr գործակալությունը՝ վկայակոչելով իր տեղի աղբյուրներին։
Նշվում է, որ հարձակումը տեղի է ունեցել առավոտյան ժամը 5-ին․ օդանավակայանը հրթիռակոծվել է մի քանի «Կատյուշա» հրթիռներով։
Ըստ որոշ տեղեկությունների՝ արձակվել է հինգ հրթիռ։ Հարձակման պահին ազդանշաններ են հնչել։ Հրթիռների տեղակայման, նյութական վնասների և զոհերի մասին ոչինչ չի հաղորդվում։
Հիշեցնենք, որ հունվարի 28-ին ևս տեղեկություններ հայտնվեցին Բաղդադի օդանավակայանի հրթիռակոծության մասին։
Տաթև Ֆռանգյան
