19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ԱՄՆ-ը և Թուրքիան քննարկել են Ուկրաինայի դեմ ռուսական ագրեսիան զսպելու ուղիները
Քաղաքականություն
02.02.2022 | 16:05
ԱՄՆ նախագահի ազգային անվտանգության հարցերով խորհրդական Ջեյք Սալիվանը և Թուրքիայի նախագահի խոսնակ Իբրահիմ Քալընը քննարկել են իրենց երկրների համատեղ ջանքերը՝ «Ուկրաինայի դեմ ռուսական հետագա ագրեսիան զսպելու համար»։ Այս մասին հայտնում է DW-ի ռուսական ծառայությունը՝ հղում կատարելով Սպիտակ տան հաղորդագրությունը։
ԱՄՆ-ի և Թուրքիայի ներկայացուցիչները հեռախոսազրույցում ընդգծել են երկխոսության և համագործակցության կարևորությունը Ուկրաինայի շուրջ ստեղծված ճգնաժամի կարգավորման գործում։
Իբրահիմ Քալընը նշել է, որ այս իրավիճակում Թուրքիան պատրաստ է ցանկացած անհրաժեշտ աջակցություն ցուցաբերել՝ որպես ՆԱՏՕ-ի դաշնակից։ Նա նաև հիշեցրել է Թուրքիայի նախագահ Էրդողանի՝ Կիև առաջիկա այցի մասին՝ հույս հայտնելով, որ այս այցը կնպաստի դիվանագիտական ճանապարհով հակամարտության կարգավորմանը, գրում է թուրքական Daily Sabah-ը։
Ավելի վաղ թուրքական լրատվամիջոցները, հղում անելով դիվանագիտական աղբյուրներին, հայտնել էին, որ Ուկրաինան և Ռուսաստանը չեն առարկել Անկարայի՝ ճգնաժամի թուլացման հարցում դերակատարություն ունենալու առաջարկին։
Տաթև Ֆռանգյան
