Մեզ ինչի մեջ ասես մեղադրում են, բայց գնում թուրքերի հետ ՀՀ-ի դեմ են քվեարկում. Սիմոնյանը՝ Մամիջանյանին. ՏԵՍԱՆՅՈւԹ

«Պատվ ունեմ» խմբակցության պատգամավոր Հայկ Մամիջանյանը օրեր առաջ դեմ է քվեարկել Հայաստանում ժողովրդավարական առաջընթացը ողջունող ԵԽԽՎ բանաձևին՝ այն համարելով ոչ թե հայաստանանպաստ, այլ իշխանանպաստ: Դրանից հետո սոցցանցերում նրա նկատմամբ սկսվեց գրեթե հետապնդում:  Հանրային հեռուստաընկերության «Հարցազրույց Պետրոս Ղազարյանի հետ» հաղորդման ժամանակ ՀՀ նախագահի լիազորությունները ժամանակավորապես իրականացնող Ալեն Սիմոնյանը, անդրադառնալով այս դիտարկմանը, նշեց. «Հենց դա է ժողովրդավարությունը, որ Մամիջանյանը կարող է դեմ քվեարկել, բայց նաև ժողովրդավարություն է այն, որ ժողովուրդը կարող է կարծիք արտահայտել դրա վերաբերյալ»:

«Դուք չեք կարողասել, որ «Քաղաքացիական պայմանագիր» խմբակցության պատգամավորներից մեկը սպառնացել  է գլխատել Հայկ Մամիջանյանին կամ այլ գործողություններ անել, ինչպես տեսել ենք նախկինում ՀՀԿ պատգամավորների կողմից, երբ  Զարուհի Փոստանջյանը կամ Շավարշ Քոչարանը «դեմ» էին քվեարկել:

Մենք չենք պատրաստվում Հայկ Մամիջանյանին հեռացնել պատվիրակության կազմից, բայց քաղաքական գնահատական պետք է հնչեր, իհարկե պետք է դատապարտեինք, քանի որ մենք երկրի ներսում կարող ենք քննարկումներ ունենալ, բայց այդ զեկույցը Նիկոլ Փաշինյանի կամ ՔՊ-ի մասին չէր, այլ ՀՀ-ի մասին էր, և ՀՀ ժողովրդավարության մասին դրական զկույցը նաև անվտանգության երաշխիքն է աշխարհի կողմից…Մեզ ինչի մեջ ասես մեղադրում են, բայց գնում թուրքերի հետ ՀՀ-ի դեմ են քվեարկում»:

Մանրամասները՝ տեսանյութում: