21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Եվրահանձնաժողովը ԵՄ երկրներին կոչ է արել ուսումնասիրել երրորդ երկրներից գազի գնման ռիսկերը
Քաղաքականություն
01.02.2022 | 22:45
ԵՄ կանոնները նախատեսում են ԵՄ երկրների էներգամատակարարման անվտանգության վրա գազի խոշոր մատակարարումների պայմանագրերի հետևանքների ուսումնասիրություն։ Այս մասին հայտնել է Եվրահանձնաժողովի պաշտոնական ներկայացուցիչ Թիմ Մաքֆին, գրում է «Ինտերֆաքս»-ը։
«Եվրոպայում գազային ընկերությունները կարող են երկկողմ համաձայնագրեր կնքել։ Դրա հետ մեկտեղ՝ կա կանոնակարգ մատակարարման անվտանգության և նոր պայմանագրերի վերաբերյալ, որոնք գերազանցում են գազի տարեկան սպառման 28 տոկոսը»,- ասել է նա Բրյուսելում հրավիրված ճեպազրույցի ընթացքում։
Մաքֆին պատասխանել է հարցին, թե որքանով են Միության անդամ առանձին երկրների՝ գազի մեծ ծավալների համար երկարաժամկետ պայմանագրեր կնքելու վերաբերյալ մտադրությունները համապատասխանում ԵՄ կանոններին։ Ի պատասխան՝ պաշտոնյան նշել է, որ ԵՄ համապատասխան մարմինները պետք է նման դեպքերում մատակարարման անվտանգության գնահատում իրականացնեն։
«Մատակարարման անվտանգության կանոնակարգը նախատեսում է, որ անդամ պետությունը գնահատում է նման պայմանագրերի հետևանքները, որոնք ներառում են շատ մեծ ծավալներ: Սա թույլ է տալիս որոշել՝ արդյո՞ք անհրաժեշտ է միջոցներ ձեռնարկել՝ մատակարարումների ընդհատման ռիսկից խուսափելու համար»,- ասել է Թիմ Մաքֆին։
Էմմա Չոբանյան
