18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Մարտին կանցկացվեն ՆԱՏՕ-Վրաստան համատեղ զորավարժություններ
Քաղաքականություն
01.02.2022 | 22:56
Մարտին Վրաստանում երրորդ անգամ կանցկացվի ՆԱՏՕ-Վրաստան համատեղ զորավարժություն՝ NATO-GEO EX 2022-ը: Զորավարժությունները պլանավորումից մինչև իրականացման փուլը կղեկավարի վրացական կողմը, կմասնակցեն ՆԱՏՕ-ի անդամ և գործընկեր երկրները։ Այս մասին հայտնում է Վրաստանի պաշտպանության նախարարությունը, փոխանցում է Aliq media-ն։
Տեղեկության համաձայն, ՆԱՏՕ-ի անդամ և գործընկեր երկրների ներկայացուցիչներն ու վրացական կողմն ամփոփել են վերջնական մանրամասները` ՆԱՏՕ-Վրաստան համատեղ ուսուցման և գնահատման կենտրոնում (JTEC)` երեք օր տևած ամփոփիչ համաժողովում։
Համաժողովին հատուկ մասնակցություն ունեին ՆԱՏՕ-ի միացյալ ուժերի զորավարժութունների կենտրոնի հրամանատարի տեղակալ, գեներալ Ջոզեֆ Սպիշակը և փոխգնդապետ Գաբոր Էնդրոդը։
Վրաստանի ռազմական ուժերի հրամանատարի տեղակալ, գեներալ-մայոր Զազա Չխաիձեն և գեներալ Իրակլի Չիչինաձեն ևս գործնական հանդիպումներ են ունեցել ՆԱՏՕ-ի ներկայացուցիչների հետ։ Կողմերը քննարկել են ՆԱՏՕ-Վրաստան զորավարժությունների մանրամասները։
