09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
Թուրքիայի ՊՆ ղեկավարն ասել է, որ Անկարան շարունակում է երկխոսությունը ՌԴ-ի և Ուկրաինայի հետ
Քաղաքականություն
01.02.2022 | 21:46
Թուրքիայի պաշտպանության նախարար Հուլուսի Աքարը խոսել է Ռուսաստանի և Ուկրաինայի հետ երկխոսության կարևորության մասին՝ նշելով, որ Թուրքիան կշարունակի պահպանել Մոնտրոյի կոնվենցիայով սահմանված կանոնները։ Այս մասին գրում է Bianet-ը։
«Մենք կշարունակենք երկխոսությունը Ռուսաստանի և Ուկրաինայի հետ, մենք կկատարենք ՆԱՏՕ-ի անդամի մեր պարտավորությունները»,- ասել է Աքարը։
Նա զգուշացրել է, որ Ռուսաստանի և Ուկրաինայի միջև վերջին լարվածությունն անվերահսկելի էսկալացիայի վտանգ է պարունակում։
«Մենք՝ որպես Թուրքիա, բոլոր կողմերին կոչ ենք անում հանգստություն պահպանել և ներգրավվել համակարգման, համագործակցության և երկխոսության մեջ»,- ասել է Թուրքիայի ՊՆ ղեկավարը։
Էմմա Չոբանյան
