24.04.2026 | 12:27
Մի խաթարեք մեր ապրումները. Գարեգին Բ-ն չցանկացավ մեկնաբանել իր հասցեին մեղադրանքների թեման․ ՏԵՍԱՆՅՈՒԹ
Մեծ Բրիտանիան, Լեհաստանը և Ուկրաինան պատրաստվում էին հայտարարել նոր եռակողմ միության մասին․ Կուլեբան մանրամասներ է ներկայացրել
Քաղաքականություն
01.02.2022 | 20:14
Մեծ Բրիտանիան, Լեհաստանը և Ուկրաինան պատրաստվում էին հայտարարել պետությունների միջև համագործակցության նոր ձևաչափի ստեղծման մասին։ Այս մասին պետք է հայտարարվեր Մեծ Բրիտանիայի և Լեհաստանի վարչապետներ Բորիս Ջոնսոնի և Մաթեուշ Մորավիեցկու՝ Կիև կատարելիք այցի ժամանակ։
Ուկրաինայի արտաքին գործերի նախարար Դմիտրի Կուլեբան, մեկնաբանելով Մեծ Բրիտանիայի, Լեհաստանի և Ուկրաինայի միջև համագործակցության նոր ձևաչափի ստեղծման մասին տեղեկությունը, բացել է գաղտնիության շղարշը և մի քանի փաստ պատմել այդ դաշինքի մասին, գրում է Unian-ը։
Facebook-ի իր էջում Կուլեբան գրել է, որ այս եռակողմ միության ստեղծման նախաձեռնողը Ուկրաինան է։
«Ես երախտապարտ եմ գործընկերներին և ընկերներին՝ Լիզ Թրասին և Զբիգնև Ռաուին, որոնք արագ արձագանքեցին, և երեք երկրների ԱԳ նախարարությունների գծով եռակողմ աշխատանքը սկսեց եռալ, ինչում յուրաքանչյուր երկիր հավասարապես կարևոր ներդրում ունի»,- գրել է Կուլեբան։
Ըստ ուկրաինացի պաշտոնյայի՝ նոր ձևաչափը փոքր դաշինքների ռազմավարության մաս է՝ որպես Ուկրաինայի նախաձեռնողական արտաքին քաղաքականություն։
Կուլեբան նշել է, որ նախատեսվում էր առաջին անգամ նոր ձևաչափի ստեղծման մասին պաշտոնապես հայտարարել Մեծ Բրիտանիայի արտգործնախարար Էլիզաբեթ Թրասի՝ Կիև կատարած այցի ժամանակ, բայց այն հետասձգվում է, քանի որ Ուկրաինայի մայրաքաղաք կատարելիք այցի նախօրեին Մեծ Բրիտանիայի ԱԳՆ ղեկավարի մոտ կորոնավիրուս է ախտորոշվել։
Տաթև Ֆռանգյան
