08.06.2026 | 18:45
Ադրբեջանի, Թուրքիայի և Վրաստանի ԱԳ նախարարները քննարկել են TRIPP-ը
Թալիբներն առաջին անգամ կնոջ են նշանակել պետական պաշտոնում
Քաղաքականություն
01.02.2022 | 16:28
Թալիբների «Աֆղանստանի իսլամական էմիրության» Առողջապահության նախարարությունը բժիշկ Մալալայ Ֆայզիին նշանակել է Քաբուլի ծննդատան տնօրեն։ Այս մասին հայտնում է EADaily-ն՝ հղում կատարելով տեղի լրատվամիջոցներին։
Աֆղանստանի ծննդատների ղեկավարները միշտ կանայք են եղել, սակայն վերջին վեց ամսվա ընթացքում Ֆայզին առաջին կինն է, որը թալիբների կողմից նշանակվել է պետական պաշտոնում։
Նշանակումը լայն հնչեղություն է առաջացրել։ Մայդանի (Վարդակ նահանգ) նախկին քաղաքապետ Զարիֆա Ղաֆարին թվիթերյան իր էջում գրել է, որ թեև կանանց հիվանդանոցի ղեկավարը սահմանված կարգով պետք է լինի կին, սակայն հաճելի է լսել Ֆայզիի նշանակման մասին:
Ֆայզին ավարտել է Բժշկական գիտությունների համալսարանը և վերջին 15 տարիներին աշխատել է տարբեր հիվանդանոցներում, այդ թվում՝ մանկական և մայրական առողջության մասնագիտացված բաժանմունքներում:
տաթև Ֆռանգյան
