17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Վրաստանը չեղարկել է COVID-անձնագրերը՝ դրանց անարդյունավետության պատճառով
Քաղաքականություն
01.02.2022 | 22:23
Վրաստանում Կորոնավիրուսային վարակի դեմ պայքարի համակարգող խորհրդի որոշմամբ՝ չեղյալ են հայտարարվել «կանաչ» անձնագրերը, որոնք տրվել են այն քաղաքացիներին, որոնք վերջին վեց ամսում պատվաստվել են կամ հիվանդացել COVID-19-ով։ Այս մասին գրում է Ինտերֆաքսը։
«Կորոնավիրուսի «օմիկրոն» շտամի զանգվածային տարածման պայմաններում «կանաչ անձնագրերը» կորցրել են իրենց նախնական նպատակը։ Նոր շտամը վարակում է և՛ պատվաստվածներին, և՛ հիվանդացած-լավացածներին, ինչի պատճառով էլ կայացվել է այս որոշումը»,- պարզաաբանել է Վրաստանի առողջապահության նախարար Թամար Գաբունիան:
Նա նշել է, որ «կանաչ» անձնագրերի ներդրման պատճառներից մեկը քաղաքացիներին պատվաստվել խրախուսելն է, սակայն «այս միջոցը չի կարողացել խթանել պատվաստվածների թվի աճը»։ Առողջապահության նախարարության տվյալներով՝ Վրաստանում մինչ օրս պատվաստվել է քաղաքացիների 42 տոկոսը։
«Կանաչ» անձնագրերը Վրաստանում ներդրվել են անցյալ տարվա դեկտեմբերի 1-ից։ Այս փաստաթղթերի օգնությամբ 18 տարեկանից բարձր քաղաքացիները կարող էին, մասնավորապես, այցելել հանրային սննդի հաստատություններ, մշակութային և սպորտային միջոցառումների, ֆիթնես ակումբներ, հյուրանոցներ, լեռնային հանգստավայրեր։
Տաթև Ֆռանգյան
