08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Էրեբունիում նկատվել է քաղաքացիական հագուստով հաղթանդամ տղամարդկանց կուտակում, դրանք հանցավոր խմբեր են, որոնք ըստ ամենայնի, ուղղվելու են խաղաղ ցուցարարների դեմ. ԻՔՄ
Հասարակություն
17.04.2018 | 12:17
Շտապ հայտարարություն հանցավոր խմբերի վերաբերյալ
Ըստ հանրության շրջանում տարածվող լուրերի և ԶԼՄ-ների հայտնած տեղեկությունների՝ այսօր Երևանի Էրեբունի թաղամասում նկատվել է քաղաքացիական հագուստով հաղթանդամ տղամարդկանց կուտակում: Արժանահավատ տեղեկությունների համաձայն՝ դրանք հանցավոր խմբեր են, որոնք ըստ ամենայնի, ուղղվելու են խաղաղ ցուցարարների դեմ:
Սույնով հայտնում ենք, որ նշված հանցավոր խմբերի կողմից խաղաղ ակցիաների մասնակիցների դեմ հնարավոր բռնության պատասխանատվությունը կրում են իշխանությունները, եթե անգամ բռնություն կիրառող այդ անձինք հանդես գան որպես երթևեկության անհարմարությունների պատճառով «զայրացած վարորդներ»:
ՀՀ Ոստիկանությունը պարտավոր է արդյունավետ և իրական պայքար տանել կազմկերպված հանցավորության դեմ և նախականխել խաղաղ ցուցարարների նկատմամբ ֆիզիկական և հոգեբանական բռնության յուրաքանչյուր փորձ:
«Իրազեկ քաղաքացիների միավորում» ՀԿ
Հելսինկյան քաղաքացիկան ասամբլեայի Վանաձորի գրասենյակ
«Իրավունքների պաշտպանություն առանց սահմանների» ՀԿ
Հայաստանի Հելսինկյան Կոմիտե
Բաց Հասարակության Հիմնադրամներ – Հայաստան
Թրանսփարենսի հակակոռուպցիոն կենտրոն
«Հանուն Հավասար Իրավունքների» ՀԿ
