17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Չինաստանը դեմ է Ուկրաինայի հարցով ՄԱԿ-ի ԱԽ նիստ անցկացնելուն
Քաղաքականություն
31.01.2022 | 19:56
Չինաստանը դեմ է Ուկրաինայի հարցով ՄԱԿ-ի Անվտանգության խորհրդի նիստի անցկացմանը։ Այս մասին հայտարարել է ՄԱԿ-ում Չինաստանի մշտական ներկայացուցիչ Չժան Ցզյունը, գրում է ՏԱՍՍ գործակալությունը։
«Մենք դեմ ենք բաց նիստի անցկացմանը։ Հիմա ժամանակն է լուռ դիվանագիտության, ոչ թե «խոսափողային» դիվանագիտության և բաց առճակատման։ Անհրաժեշտ է ավելի շատ դիվանագիտական ջանքեր գործադրել։ Մեր դիրքորոշումը դա է»,- ասել է ՄԱԿ-ում Չինաստանի ներկայացուցիչը։
Հավելենք, որ այսօր, ըստ նախնական տեղեկությունների, ԱՄՆ-ի նախաձեռնությամբ նախատեսվում է անցկացնել ՄԱԿ-ի ԱԽ արտահերթ նիստ՝ կապված Ուկրաինայի շուրջ ստեղծված իրավիճակի հետ։
Էմմա Չոբանյան
