17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
«Տարվա քննիչ» և «Տարվա ստորաբաժանում» պարգևների հանձնում՝ Քննչական կոմիտեում
Հասարակություն
31.01.2022 | 19:14
ՀՀ քննչական կոմիտեի նախագահ Ա.Քյարամյանի հրամանով ստեղծված համապատասխան հանձնաժողովի կողմից իրականացված համակողմանի աշխատանքի և ընթացակարգային դիտարկումների արդյունքում, նախորդ տարվա ընթացքում արձանագրված ցուցանիշների համեմատական վերլուծությամբ, 2021 թվականի «Տարվա ստորաբաժանում» է ճանաչվել ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժինը: 
Ըստ համապատասխան հանձնաժողովի կողմից հրապարակված ցուցանիշների՝ հիշյալ ստորաբաժանման վարույթը 2021 թվականին կազմել է 1733 քրեական գործ, որոնցից 211 գործ ուղարկվել է դատարան, 314 քրեական գործի վարույթ կարճվել է: Նախորդ տարվա ընթացքում ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնում ընթացք է տրվել 1645 քրեական գործի, որը կազմում է վարույթի գործերի 94.9%-ը:
ՀՀ քննչական կոմիտեի նախագահ Ա.Քյարամյանի հրամանով ստեղծված համապատասխան հանձնաժողովի կողմից իրականացված համակողմանի աշխատանքի և ընթացակարգային դիտարկումների արդյունքում, նախորդ տարվա ընթացքում արձանագրված ցուցանիշների համեմատական վերլուծությամբ, 2021 թվականի «Տարվա ստորաբաժանում» է ճանաչվել ՀՀ քննչական կոմիտեի Լոռու մարզային քննչական վարչությունը:
Ըստ համապատասխան հանձնաժողովի կողմից հրապարակված ցուցանիշների՝ հիշյալ ստորաբաժանման վարույթը 2021 թվականին կազմել է 1655 քրեական գործ, դատարան է ուղարկվել 326 գործ, 288 քրեական գործի վարույթ կարճվել է: Նախորդ տարվա ընթացքում ՀՀ քննչական կոմիտեի Լոռու մարզային քննչական վարչությունում ընթացք է տրվել 1532 քրեական գործի, որը կազմում է վարույթի գործերի 92.6%-ը:
ՀՀ քննչական կոմիտեի նախագահ Արգիշտի Քյարամյանի հրամանով առաջին դասի խորհրդական Արտակ Հախինյանը ճանաչվել է 2021 թվականի «Տարվա քննիչ»:
