09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՄԱԿ-ի Անվտանգության խորհուրդը Ուկրաինայի շուրջ ստեղծված իրավիճակի հետ կապված արտահերթ նիստ կանցկացնի
Քաղաքականություն
31.01.2022 | 18:17
Նյու Յորքում ՄԱԿ-ի Անվտանգության խորհուրդն արտահերթ նիստ կանցկացնի՝ կապված Ուկրաինայի շուրջ ստեղծված իրավիճակի հետ, հայտնում է «Ազատություն» ռադիոկայանի ռուսական ծառայությունը։
ԱՄՆ-ը, որը նախաձեռնել է հանդիպումը, կոչ է անում Ռուսաստանին բացատրել, թե «ինչու է ավելի քան 100 հազարանոց զինված խումբ հավաքել Ուկրաինայի հետ սահմանի մոտ»։ Մոսկվան առաջիկա հանդիպումն արդեն անվանել է ամերիկացիների PR հնարք և կարծում է, որ արդյունքների վերաբերյալ ընդհանուր հայտարարություն չի լինի։
ՄԱԿ-ում ԱՄՆ դեսպան Լինդա Թոմաս-Գրինֆիլդը նշել է, որ Ռուսաստանը, ըստ ամենայնի, կփորձի արգելափակել Անվտանգության խորհրդում քննարկումը, սակայն, ըստ նրա, դա Մոսկվային չի հաջողվի, քանի որ Խորհրդի անդամ երկրների մեծ մասը «միակարծիք» է այս հարցում և ցանկանում է Ռուսաստանից բացատրություններ ստանալ։ Ըստ ամերիկացի դեսպանի՝ Ռուսաստանի գործողությունները կարող են սպառնալիք հանդիսանալ միջազգային խաղաղության և անվտանգության համար։
Այս ֆոնին, առաջիկա ժամերին Մեծ Բրիտանիայի կառավարությունը խոստացել է պատժամիջոցների նոր փաթեթ ներկայացնել, որը կարող է հանգեցնել ռուսական էներգետիկ ընկերությունների ակտիվների սառեցմանը։ Վաշինգտոնը նույնպես աշխատում է հետագա սահմանափակումների մշակման ուղղությամբ։
Տաթև Ֆռանգյան
