06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Հյուսիսային Կորեան մեկ ամսում 7-րդ հրթիռն է արձակել
Քաղաքականություն
31.01.2022 | 15:39
Հյուսիսային Կորեան հայտարարել է միջին հեռահարության Hwasong-12 բալիստիկ հրթիռի հաջող արձակման մասին, գրում է BBC-ի ռուսական ծառայությունը։
Հարավային Կորեան և Ճապոնիան հայտնել են, որ հրթիռը հասել է 2000 կիլոմետր բարձրության՝ նախքան վայրէջք կատարելը Ճապոնիայի ափերի ջրերում: Երկու երկրներն էլ դատապարտել են հրթիռի արձակումը, որն այս ամսվա մեջ արդեն յոթերորդն էր:
ԿԺԴՀ-ի lրատվամիջոցները հրապարակել են լուսանկարներ, որոնք, ըստ նրանց, արվել են արձակման ժամանակ: Երկու կադրերում երևում է արձակման պահը, մյուս երկուսը, ըստ երևույթին, արվել են թռիչքի ժամանակ հրթիռի մարտագլխիկի վրա տեղադրված տեսախցիկից:
Ճապոնիայի և Հարավային Կորեայի տվյալներով՝ հրթիռը կես ժամում 800 կմ ճանապարհ է անցել։
ՄԱԿ-ն արգելել է Հյուսիսային Կորեային բալիստիկ և միջուկային զենքի փորձարկումները ու խիստ պատժամիջոցներ է սահմանել։ Սակայն Փհենյանը պարբերաբար անտեսում է արգելքը, իսկ Հյուսիսային Կորեայի առաջնորդ Կիմ Չեն Ընը խոստացել է ամրապնդել իր երկրի պաշտպանունակությունը:
Տաթև Ֆռանգյան
