15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Ինչ պայման է դրել Փաշինյանը «Հանուն Հայաստանի պետության» ճակատի առջև. «Իրատես»
17.04.2018 | 09:41
«Իրատես» թերթը գրում է.
Ասում են, թե շաբաթ օրը Հանրային ռադիոյի շենքի գրավումից հետո Ֆրանսիայի հրապարակ վերադարձած Նիկոլ Փաշինյանը մինի-քննարկում է անցկացրել «Հանուն Հայաստանի պետության» ճակատի ներկայացուցիչների հետ, և պայման է դրել, որ Ալեք Ենիգոմշյանը, Թամար Հովհաննիսյանը, Ալբերտ Բաղդասարյանը այս օրերին տեղի ունեցող միտինգների ընթացքում ելույթ չպետք է ունենան: Ճակատի ներկայացուցիչներին դա դուր չի եկել, սակայն նրանք չեն ցանկացել առարկել, համաձայնել են, ասելով` մենք քեզ չենք խանգարի, կլինենք քո կողքին ոչ որպես քաղաքական ուժ, այլ որպես անհատներ, դու քո գործն արա:
Նույն օրը հայտարարություն են տարածել Ժիրայր Սեֆիլյանը և «Սասնա ծռերը»` շարժմանն աջակցելու և շարժման օրակարգը փոխելու առաջարկով, որի ենթատեքստում կրկին բռնությանը բռնությամբ պատասխանելու տրամաբանությունն է դրված եղել: «Ինչ վերաբերում է Զարուհի Փոստանջյանին, նա այս պահին դեռ իրեն հեռու է պահում Ֆրանսիայի հրապարակից, որովհետև Նիկոլը փորձում է միանձնյա լիդեր լինել, ոչ մեկի հետ հաշվի չնստել»,- ասաց Ճակատի մեր աղբյուրը:
Առավել մանրամասն՝ թերթի այսօրվա համարում:
