06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Բրազիլիայում ջրհեղեղների և սողանքների զոհ է դարձել 19 մարդ
Քաղաքականություն
31.01.2022 | 14:00
Բրազիլիայի հարավ-արևելքում հորդառատ անձրևներ են տեղացել. Սան Պաուլո նահանգում վատ եղանակային պայմանների զոհ է դարձել 18 մարդ։ Այս մասին Twitter-ում հայտնել է շրջանի նահանգապետ Ժոաո Դորիան, գրում է Korrespondent-ը։
«Խորապես վշտացած եմ Սան Պաուլոյում հորդառատ անձրևների պատճառած վնասի համար: Ցավակցում եմ 18 զոհերի ընտանիքներին և ընկերներին: Մենք փրկարարական գործողություն ենք իրականացնում, հանձնարարվել է միջոցներ հատկացնել՝ տուժածներին օգնելու համար»,- ասվում է հաղորդագրության մեջ:
Միաժամանակ, Globo հեռուստաալիքը պարզաբանում է, որ հորդառատ անձրևներն առաջացրել են ջրհեղեղներ ու սողանքներ, որոնք ավերել են բնակելի շենքերը Սան Պաուլոյի մի քանի համայնքներում։ Զոհերի թիվը հասել է 19-ի։
Առկա տվյալներով՝ մի քանի ժամում մարզում տեղացել է մոտ 115 մմ անձրև։
Տաթև Ֆռանգյան
