06.05.2024 | 11:02
«Պարո՛ն Նազարյան, Դուք ե՞րբ եք եզդի եղել, որ ասում եք՝ խտրականություն չկա»․ Թագուհի Ղազարյան․ ՏԵՍԱՆՅՈՒԹ
Նինա Հաչիկյանը նշանակվել է ԱՄՆ Պաշտպանության նախարարության Քաղաքականության խորհրդի անդամ
Քաղաքականություն
31.01.2022 | 12:50
Լոս Անջելեսի քաղաքապետի միջազգային հարաբերություններ գծով առաջին տեղակալ Նինա Հաչիկյանը նշանակվել է ԱՄՆ Պաշտպանության նախարարության Քաղաքականության խորհրդի անդամ։ Այս մասին հաղորդում է Ամերիկայի Հայկական համագումարը (ԱՀՀ)։
Նշենք, որ խորհրդի անդամներից են նաև Մադլեն Օլբրայթը և Հենրի Քիսինջերը:
ԱՀՀ-ն տեղեկացնում է, որ դիվանագետ և քաղաքական գործիչ Նինա Հաչիկյանը, որը Լոս Անջելեսի քաղաքապետի առաջին տեղակալն է եղել, բեղմնավոր կարիերա է ունեցել․ եղել է ԱՄՆ դեսպան Հարավարևելյան Ասիայի ազգերի ասոցիացիայում, որտեղ նա ռազմավարական գործընկերության ու նախաձեռնությունների համար արժանացել է ԱՄՆ Պետքարտուղարության բարձրագույն պատվավոր մրցանակին:
«Համագումարը շնորհավորում է դեսպան Հաչիկյանին այս հեղինակավոր նշանակման առիթով։ Հաշվի առնելով դեսպանի տասնամյակների փորձառությունը և խորը գիտելիքները՝ կասկած չունենք, որ նա գերազանց կկատարի իր ծառայությունը», – հայտարարել են ԱՀՀ համանախագահներ Էնթոնի Բարսամյանը և Վան Գրիգորյանը։
Տաթև Ֆռանգյան
