24.09.2026 | 15:10
Պայթյունից պայմանագրային զինծառայող է մահացել // Հայաստանը փայլաթիթեղ է արտահանել Ադրբեջան․ ԼՈՒՐԵՐ
Պուտինն ու Մակրոնը հեռախոսազրույց են ունեցել․ Պուտինն իր դժգոհությունն է հայտնել ՆԱՏՕ-ի պատասխաններից
Քաղաքականություն
28.01.2022 | 19:14
ՌԴ նախագահ Վլադիմիր Պուտինը հեռախոսազրույց է ունեցել Ֆրանսիայի առաջնորդ Էմանուել Մակրոնի հետ, որի ընթացքում պետությունների ղեկավարները քննարկել են երկկողմ օրակարգի հարցեր։ Պուտինը նշել է ՆԱՏՕ-ի կողմից տրված գրավոր պատասխանում ռուսական առաջարկների անտեսման մասին, հայտնում է Կրեմլի մամուլի ծառայությունը։
«Զրույցի հիմնական թեման Ռուսաստանին անվտանգության երկարաժամկետ, օրինական երաշխիքներ տրամադրելու հարցն էր, այդ թվում՝ Ժնևում ռուս-ամերիկյան վերջին բանակցությունների և Բրյուսելում Ռուսաստան-ՆԱՏՕ խորհրդի նիստի ֆոնին»,- ասված է հաղորդագրության մեջ։
Նշվում է, որ Վլադիմիր Պուտինը հստակ մատնանշել է ԱՄՆ-ի և դաշինքի պատասխաններում ռուսական առաջարկների հիմնարար կետերի անտեսումը։ ՌԴ նախագահը նշել է, որ Դաշինքը պատրաստ չէ հաշվի առնել Մոսկվայի հիմնական մտահոգությունները, մասնավորապես՝ դեպի արևելք չընդլայնվելը և Ռուսաստանի Դաշնության սահմանների մոտ հարվածային զենքի համակարգեր տեղակայելուց հրաժարվելը։
Տաթև Ֆռանգյան
