26.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
ԵՐԵՎԱՆԻ ԺԱՄԱՆԱԿՈՎ․ Մեր իշխանությունը ոչ հմուտ վարպետ է, մուրճով խփում է մատներին,ցավը զգում է ժողովուրդը. Արմեն Մարտիրոսյան
Քաղաքականություն
29.01.2022 | 17:00
«Հայաստանը շահեց Արմեն Սարգսյանի հրաժարականից, քանի որ ոչ լեգիտիմ պաշտոնյան հեռացավ: Նա անկոչ հյուր էր, որին ժողովուրդը չէր ընտրել»,- Factor TV-ի հետ զրույցում նման տեսակետ է հայտնում «Անտարես» հրատարակչության տնօրեն Արմեն Մարտիրոսյանը` անդրադառնալով ՀՀ նախագահ Արմեն Սարգսյանի հրաժարականին:
Նա խոսում է հայաստանյան ներքին քաղաքական իրավիճակից, Ազգային ժողովում ներկայացված քաղաքական ուժերի գործունեության արդյունավետությունից:
Արմեն Մարտիրոսյանի խոսքով` այսօր մենք չունենք ընդդիմություն, իսկ դա մեծ խնդիր է պետության համար. «Այս ընդդիմությունը գործիք է իշխանության ձեռքին: Ընդդիմադիր ուժերը պետք է ինքնուրույն լինեին, մինչդեռ, իմ տպավորությամբ, գիտակցված աշխատում են ՔՊ-ի համար, քանի որ նրանց շահերը համընկնում են. ՔՊ-ն ժողովորդից այսքան մեծ թվով ձայներ չէր ունենա, եթե այս ընդդիմությունը չմտներ խաղի մեջ. դա ձեռնտու է թե´ իշխանությանը, թե´ ընդդիմությանը: Առհասարակ, մեր իշխանությունը ոչ հմուտ վարպետ է, որը մուրճով խփում է մատներին, իսկ ցավը զգում է ժողովուրդը»:
Արմեն Մարտիրոսյանը շեշտում է` քանի որ պառլամենտական ընդդիմություն չունենք, այդ ծանր բեռը իր վրա պետք է վերցնի մտավորականությունը, մտածող մարդը, որը պետք է խեթ աչքերով նայի իշխանությանը:
Մանրամասները` տեսանյութում:
Աննա Բաբաջանյան
