03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Սերժ Սարգսյանն այցելել է Սարդարապատի հերոսամարտի հուշահամալիր. ՏԵՍԱՆՅՈՒԹ
Քաղաքականություն
28.01.2022 | 17:00
ՀՀ երրորդ նախագահ Սերժ Սարգսյանը Հայոց բանակի օրվա առթիվ այցելել է Սարդարապատի հերոսամարտի հուշահամալիր։
Սարգսյանը ծաղկեպսակ է դրել Սարդարապատի ճակատամարտի հերոսների հիշատակը հավերժացնող հուշակոթողին և հարգանքի տուրք մատուցել նրանց հիշատակին:
Անդրադառնալով հարցին, թե ինչու է այցելության վայր ընտրել Սարդարապատի հուշահամալիրը, Սերժ Սարգսյանը նշեց. «Պետությունները Զինված ուժեր են ստեղծում, որպեսզի կարողանան ապահովել պետությունների տարածքային ամբողջականությունը, սահմանների անձեռնմխելիությունը և իրենց քաղաքացիների անվտանգությունը։ Այս առումով, այս պարզ ճշմարտության լավագույն դրսևորումներից մեկը Սարդարապատի ճակատամարտն է։ Եվ ես իմ խորհրդանշական այցելությամբ ուզում եմ դրա մասին հիշեցնել մեր ժողովրդին, մեր Զինված ուժերին և մեր սպաներին ու զինվորներին»։
Ի պատասխան հարցի, թե ինչպես կարձագանքի Նիկոլ Փաշինյանի բազմաթիվ հայտարարություններին՝ կապված Արցախի բանակցային գործընթացի հետ, Սերժ Սարգսյանը նշեց, որ առաջիկա օրերին կարձագանքի. «Մոտ օրերս կլսեք իմ արձագանքները, տևական, հանգամանորեն կարձագանքեմ»:
Մանրամասները՝ տեսանյութում:
