12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
ԱՊՀ շրջանակում պետք է ավելի ակտիվ քննարկենք մարդու իրավունքները, ինչպես, օրինակ, ադրբեջանցիներինը՝ ՀՀ-ում կամ հակառակը․ Լավրով. ՏԵՍԱՆՅՈՒԹ
Քաղաքականություն
28.01.2022 | 13:46
ԱՊՀ շրջանակում պետք է ավելի ակտիվ քննարկենք մարդու իրավունքները, ինչպես, օրինակ, ադրբեջանցիներինը՝ ՀՀ-ում կամ հակառակը։ Այս մասին այսօր ռուսական լրատվականներին տված հարցազրույցում ասել է ՌԴ ԱԳ նախարար Սերգեյ Լավրովը։
Նա նաև նշել է, որ ԱՊՀ երկրներում ազգամիջյան հարաբերություններում ավելորդություններն անխուսափելի են և կապված են ազգային ինքնությունը հաստատելու ցանկության հետ։
«Խնդիրներ կան ՀԱՊԿ դաշնակիցների և ԱՊՀ գործընկերների հետ հարաբերություններում, և դա մեծապես պայմանավորված է նրանով, որ Խորհրդային Միությունը լքած, իսկ մինչ այդ ռուսական կայսրության կազմում գտնվող նորանկախ պետություններն առաջին անգամ երկար պատմական ժամանակաշրջանի ընթացքում հնարավորություն են ստացել ստեղծելու սեփական ազգային պետությունները» ,- նշել է ՌԴ ԱԳՆ ղեկավարը։
«Մենք պետք է ԱՊՀ շրջանակում ավելի բաց, ավելի ակտիվ քննարկենք մարդու իրավունքները, այդ թվում, ասենք, ռուսներինը՝ Ղազախստանում կամ ղազախներինը՝ Ռուսաստանում , ադրբեջանցիներինը՝ Հայաստանում կամ հակառակը, չնայած նրանց թիվն այնքան էլ շատ չի մնացել»,- ասել է Լավրովը։
Նա նշել է, որ այս հարցի վերաբերյալ դեռևս ԱՊՀ կազմավորման ժամանակ մարդու իրավունքների հանձնաժողով է ստեղծվել, բայց այն այդպես էլ կյանքի չի կոչվել մինչ օրս։
«Այս պատմական ժամանակաշրջանում անխուսափելի են էքսցեսները, որոնցից մենք իսկապես ուզում ենք խուսափել, և դա պետք է արվի բոլոր միջոցներով, այդ թվում, այսպես կոչված, փափուկ ուժով, որի համար անհրաժեշտ է զգալիորեն ավելի շատ ռեսուրսներ հատկացնել, քան արվում է հիմա»,- ընգծել է Լավրովը։
Մանրամասները՝ տեսանյութում։
Տաթև Ֆռանգյան
