09.06.2026 | 00:17
Մարկո Ռուբիոն շնորհավորել է Փաշինյանին
Եվրահանձնաժողովի ղեկավարը չի բացառել ՌԴ-ին SWIFT-ից անջատելն ու «Հյուսիսային հոսք 2»-ի դեմ պատժամիջոցները
Քաղաքականություն
28.01.2022 | 16:49
Արևմտյան երկրները չեն բացառում Ուկրաինա ռուսական հնարավոր ներխուժմանը պատասխանելու որևէ տարբերակ, այդ թվում՝ Ռուսաստանի Դաշնության անջատումը տեղեկատվության փոխանցման միջազգային միջբանկային և SWIFT վճարային համակարգերից, ինչպես նաև պատժամիջոցներ «Հյուսիսային հոսք 2» գազատարի դեմ։ Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լյայենը, գրում է DW-ի ռուսական ծառայությունը։
«Ես ուզում եմ հստակեցնել՝ ոչինչ չի հանվել օրակարգից», – ասել է ֆոն դեր Լյայենը CNN-ի եթերում:
Նա հիշեցրել է, որ Եվրամիությունը Ռուսաստանի ամենակարևոր առևտրային գործընկերն է և ամենամեծ օտարերկրյա ներդրողը, որը կազմում է Ռուսաստանի արտաքին առևտրի մոտ 40 տոկոսը։
«Այս թվերը ցույց են տալիս, որ մենք ունենք ճնշման ուժեղ գործիք, և որ Ռուսաստանի համար շատ ցավալի կլինի, եթե Ուկրաինայի դեմ ագրեսիան սրվի»,- ասել է Եվրահանձնաժողովի ղեկավարը։
Բացի այդ, եվրոպացի պաշտոնյան ընդգծել է, որ հակամարտությունը դիվանագիտական ճանապարհով կարգավորելու փորձերին զուգահեռ՝ նախապատրաստվում են հնարավոր վատթարագույն սցենարին։
Տաթև Ֆռանգյան
