17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Բրազիլիայի նախագահը սոցցանցերում գաղտնի փաստաթղթեր է հրապարակել․ նա կհարցաքննվի
Քաղաքականություն
28.01.2022 | 14:21
Բրազիլիայի նախագահ Ժաիր Բոլսոնարոն կհարցաքննվի ոստիկանությունում գաղտնի փաստաթղթերի արտահոսքի գործով։ Պետության ղեկավարը սոցցանցերում գաղտնի փաստաթղթերի լուսանկար է հրապարակել։ Այս մասին հայտնում է Reuters-ը։
Որոշումը ստորագրել է Բրազիլիայի Գերագույն դատարանի դատավոր Ալեքսանդր դե Մորալեսը։ Բոլսոնարոն պետք է ցուցմունք տա հունվարի 28-ին։
Բոլսոնարոն սոցցանցերում հրապարակել է գաղտնի փաստաթղթեր Բարձր ընտրական դատարանի վրա հարձակումների հետ կապված գործից: Հարձակումը տեղի է ունեցել 2018 թվականի նախագահական ընտրություններից մի քանի ամիս առաջ։
Այնուհետև Բոլսոնարոն սոցցանցում հրապարակել է փաստաթղթերի լուսանկար և ասել, որ երկրի էլեկտրոնային քվեարկության համակարգը խոցելի է հաքերների և կեղծիքների համար։
Ավելի վաղ Բրազիլիայի Սենատում Բոլսոնարոյին մեղադրել էին ինը հանցագործության մեջ։ Մեղադրանքները վերաբերում են COVID-19-ի համաճարակի դեմ պայքարին և ներառում են մարդկության դեմ ուղղված հանցագործություններ։
Տաթև Ֆռանգյան
