10.09.2026 | 19:14
Արմաշի նախկին զորանոցի տարածքը հետ են վերցնում Ջրային կոմիտեից․ «Արարատ» ՋՕԸ-ն այն չի օգտագործել
Ի՞նչ եք ուզում ինձնից, ոտքո՞վ գնամ այստեղից. Մհեր Գրիգորյանը` ծառայողական մեքենաների մասին. ՏԵՍԱՆՅՈՒԹ
Հասարակություն
28.01.2022 | 10:40
«Իսկ ի՞նչ անենք, ոտքով քայլե՞նք»,- «Եռաբլուր» պանթեոնում լրագրողների հետ զույցում նշեց փոխվարչապետ Մհեր Գրիգորյանը՝ անդրադառնալով դիտարկմանը, որ գործող իշխանությունը նախկինում մշտապես խոսում էր ծառայողական մեքենաների կրճատման մասին, սակայն այսօր դրանք շատ են և ահռելի ծախսեր են արվում, և հարցին, թե երբ են հրաժարվելու բազմաթիվ ծառայողական մեքենաներից:
«Իրականության մեջ ես հաճույքով կքայլեմ, դրան էլ դեմ չեմ, բայց ամեն դեպքում եկեք մեքենայի ֆունկցիան չգերագնահատենք… Ի՞նչ եք ուզում, որ ոտքո՞վ գնամ էստեղից: Գնանք միասին: Բայց չեմ կարծում, որ դա արդյունավետ է, այդ թվում ձեզ համար»:
Անդրադառնալով դիտարկմանը, որ 2022 թվականի բյուջեով ծառայողական մեքենաների թիվը 10-ով ավելացել է, փոխվարչապետը հակադարձեց. «Մեքենաների թիվը կրճատվել է: Հանրային բարեփոխումների գործընթացում նախարարությունների և պետական մարմինների թիվը կրճատվել և կրճատման միտում ունի: Սա առնվազն նշանակում է, որ մեքենաների թիվը պետք է նվազի: Ինքս, անկեղծ, չեմ էլ հաշվել, որովհետև դա շատ էական չեմ հարամում այսօրվա խնդիրների շարքում, բայց հաստատ մեքենաների թիվը կրճատվել է»:
Մանրամասները՝ տեսանյութում:
