20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Սուրեն Պապիկյանի հարսանիքից է աշխարհում կորոնավիրուսը տարածվե՞լ. Մհեր Գրիգորյան. ՏԵՍԱՆՅՈՒԹ
Հասարակություն
28.01.2022 | 10:31
Հունվարի 28-ին նախատեսված զինված ուժերի կազմավորման 30-ամյակին նվիրված ընդունելությունը, որը պետք է կայանար «Դվին» հյուրանոցային համալիրի մեծ սրահում, հետաձգվել է, քանի որ ԳՇ պետի, բանակի ղեկավար կազմում մի շարք բարձրաստիճան պաշտոնյաների, ինչպես նաև հրավիրյալ որոշ անձանց մոտ կորոնավիրուս է հայտնաբերվել: Կորոնավիրուս է հայտնաբերվել նաև ՀՀ վարչապետ Նիկոլ Փաշինյանի մոտ:
«Եռաբլուր» պանթեոնում, լրագրողների հետ զրույցում ՀՀ փոխվարչապետ Մհեր Գրիգորյանը անդրադառնալով հարցին, թե արդյոք ՊՆ նախարար Սուրեն Պապիկյանի մարդաշատ հարսանիքը ազդեցություն ունեցավ կորոնավիրուսի տարածման վրա, պատասխանեց. «Ես բժիշկ չեմ և չեմ կարող դիագնոզներ դնել: Դուք կարծում եք՝ կորոնավիրուսը աշխարհում տարածվել է Սուրեն Պապիկյանի հարսանիքի պատճառո՞վ: Վստահեցնում եմ՝ ոչ»:
Փոխվարչապետը տեղեկացրեց, որ ինքը ևս թեստ հանձնել է. պատասխանը բացասական է. «Դուք հիշում եք, որ ես հիվանդացել եմ, լավացել եմ, փառք Աստծո: Պատվաստվել եմ, կրկին պատվաստվել եմ 4-րդ դեղաչափով»:
Մանրամասները՝ տեսանյութում:
