18.08.2026 | 17:41
Հայտնի է «Ուժեղ Հայաստանի»՝ Եվրաինտեգրման հարցերի մշտական հանձնաժողովի նախագահի թեկնածուի անունը
Ի՞նչ կշահի հանրությունը, եթե պրոցեսի կեսին իմանա Թուրքիայի հարցով մանրամասներ. Աղաջանյան. ՏԵՍԱՆՅՈՒԹ
Քաղաքականություն
27.01.2022 | 17:00
Հայաստանի արտաքին գործերի նախարար Արարատ Միրզոյանի և Հայաստան-Թուրքիա երկխոսության շրջանակում բանագնաց Ռուբեն Ռուբինյանի` Անթալիայում կայանալիք դիվանագիտական ֆորումին մասնակցության վերաբերյալ հայկական կողմը դեռ որոշում չունի: Խորհրդարանում լրագրողների հետ զրույցում ասաց ԱԺ Արտաքին հարաբերությունների մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Էդուարդ Աղաջանյանը:
Նշենք, որ Թուրքիայի ԱԳ նախարարը հայտարարել է, որ Արարատ Միրզոյանն ու Ռուբեն Ռուբինյանը հնարավոր է մասնակցեն մարտի 11-13-ը Անթալիայում կայանալիք դիվանագիտական ֆորումին,և ուրախ կլինեն, եթե Նիկոլ Փաշինյանն էլ մասնակցի:
Հարցին, թե ինչու է հայ հանրությունն այդ մասին տեղեկանում թուրքական կողմից, Էդուարդ Աղաջանյանն արձագանքեց. «Եթե հայտարարվի գործընթացի կեսի մասին, առանց վերջանական դիրքորոշում ունենալու, դրա հավելյալ արժեքը ո՞րն է, հանրությունը կամ լրագրողական հանրույթը դրանից ի՞նչ է շահելու:
Ի՞նչ կշահեր, օրինակ՝ Factor.am-ը, եթե առաջինը, պայմանականորեն, ինձնից իմանար, որ ՀՀ-ն ստացել է հրավեր: Ավելի տրամաբանական չէ՞ր լինի, որ այդ ինֆորմացիան հասցվեր այն ժամանակ, երբ վերջնական որոշում կլիներ»:
Մանրամասները՝ տեսանյութում:
