29.07.2026 | 11:39
Թրամփը հայտարարել է, որ Զելենսկիի հետ հանդիպումը «շատ լավ» է անցել
Թուրքիայի ֆորումին մասնակցելու վերաբերյալ որոշում դեռ չկա. Աղաջանյան. ՏԵՍԱՆՅՈՒԹ
Քաղաքականություն
27.01.2022 | 16:48
Հայաստանի արտաքին գործերի նախարար Արարատ Միրզոյանի և Հայաստան-Թուրքիա երկխոսության շրջանակում բանագնաց Ռուբեն Ռուբինյանի` Անթալիայում կայանալիք դիվանագիտական ֆորումին մասնակցության վերաբերյալ հայկական կողմը դեռ որոշում չունի: «Այս պահի դրությամբ դեռ որոշում չկա»,-խորհրդարանում լրագրողների հետ զրույցում այս մասին ասաց Արտաքին հարաբերությունների մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Էդուարդ Աղաջանյանը:
Նշենք, որ Թուրքիայի ԱԳ նախարարը հայտարարել է, որ Արարատ Միրզոյանն ու Ռուբեն Ռուբինյանը հնարավոր է մասնակցեն մարտի 11-13-ը Անթալիայում կայանալիք դիվանագիտական ֆորումին, և ուրախ կլինեն, եթե Նիկոլ Փաշինյանն էլ մասնակցի:
Հարցին, թե ինչու է հայ հանրությունն այդ մասին տեղեկանում թուրքական կողմից, Էդուարդ Աղաջանյանն արձագանքեց` կհայտարարվեր այն ժամանակ, երբ կոնկրետ դիրքորոշում և որոշում լիներ մասնակցության վերաբերյալ:
«Որևէ ինֆորմացիա թաքցնելու միտում չկա»,- նշեց Էդուարդ Աղաջանյանը:
Մանրամասները՝ տեսանյութում:
