20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
«Վարչապետն ասել է՝ վարակվել է՝ Բանակի օրվա միջոցառումներին չմասնակցելու համա՞ր». Աղաջանյանի տեսակետը. ՏԵՍԱՆՅՈՒԹ
Քաղաքականություն
27.01.2022 | 16:23
Հունվարի 28-ին նախատեսված ՀՀ զինված ուժերի կազմավորման 30-ամյակին նվիրված ընդունելությունը, որը պետք է կայանար «Դվին» հյուրանոցային համալիրի մեծ սրահում, հետաձգվել է: Առաջին ալիքի լրատվական կայքի տեղեկություններով՝ ՀՀ ԶՈՒ ղեկավար կազմում մի շարք բարձրաստիճան պաշտոնյաների, ինչպես նաև հրավիրյալ որոշ անձանց մոտ կորոնավիրուս է հայտնաբերվել: Երեկ հայտի դարձավ նաև, որ երկրորդ անգամ covid-19 է ախտորոշվել նաև վարչապետ Նիկոլ Փաշինյանի մոտ:
Կորոնավիրուսային իրավիճակի կտրուկ վատթարացման պատճառով, անվտանգության նկատառումներից ելնելով, որոշում է կայացվել հետաձգել միջոցառումը:
Լրագրողների հետ ճեպազրույցում ԱԺ արտաքին հարաբերությունների հանձնաժողովի նախագահ, «Քաղաքացիական պայմանագիր» խմբակցության պատգամավոր Էդուարդ Աղաջանյանը՝ անդրադառնալով հարցին, թե ինչպես կմեկնաբանի շրջանառվող լուրերն այն մասին, որ Բանակի օրվա միջոցառումներին չմասնակցելը պատճառաբանելու համար է տարածվել այս տեղեկությունը, նշեց. «Կարծում եմ, որ դուք իրապես չեք ակնկալում, որ ես նման անհեթեթությունները պետք է մեկնաբանեմ»:
