29.07.2026 | 15:30
Տոկիոյի Օլիմպիական խաղերի մասնակիցն անհետ կորել է Բրազիլիայում
Ղազախստանի իշխանությունները հայտարարել են երկրում իրավիճակի կայունացման մասին
Քաղաքականություն
27.01.2022 | 18:52
Ղազախստանի նախագահ Կասիմ-Ժոմարտ Տոկաևը հունվարին տեղի ունեցած բողոքի ցույցերից և անկարգություններից հետո հայտարարել է հանրապետությունում իրավիճակի ամբողջական կայունացման մասին։ Նրա խոսքերն է մեջբերում պետության ղեկավարի մամուլի ծառայությունը։
Նախագահի խոսքով՝ երկրում կարգուկանոնը վերականգնվել է, ձեռնարկվում են բոլոր միջոցները հասարակության ու պետության անվտանգության մակարդակը բարձրացնելու համար։
Տոկաևը կոչ է արել պետական կառույցներին դասեր քաղել հունվարին տեղի ունեցած իրադարձություններից և արդիականացնել անվտանգության համակարգը։ «Մենք պարտավոր ենք միջոցներ ձեռնարկել, որպեսզի հանցագործությունն ու ահաբեկիչներն այլևս չկարողանան գրավել մեր քաղաքները, ոտնձգություն անել քաղաքացիների և նրանց ընտանիքների խաղաղ կյանքին և սպառնալ պետականությանը։ Հենց դրան է ուղղված ազգային անվտանգության համակարգի վերակազմավորումը»,- ասել է նա։
Տաթև Ֆռանգյան
