18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱՄՆ-ը չի պատասխանել ՆԱՏՕ-ի չընդլայնման մասին հարցին․ Լավրովը
Քաղաքականություն
27.01.2022 | 15:27
ԱՄՆ-ն անվտանգության երաշխիքների վերաբերյալ իր պատասխանում չի պատասխանել ամենագլխավոր հարցին՝ դեպի արևելք ՆԱՏՕ-ի չընդլայնման մասին։ Այս մասին ասել է ՌԴ ԱԳ նախարար Սերգեյ Լավրովը, գրում է ՌԻԱ Նովոստին։
«Այս փաստաթղթում հիմնական հարցի վերաբերյալ դրական արձագանք չկա: Հիմնական հարցը մեր հստակ դիրքորոշումն է դեպի արևելք ՆԱՏՕ-ի հետագա ընդլայնման անթույլատրելիության և հարվածային զենքերի տեղակայման վերաբերյալ, որոնք կարող են սպառնալ Ռուսաստանի Դաշնության տարածքին», – ասել է Լավրովը լրագրողներին։
Միաժամանակ ՌԴ ԱԳՆ ղեկավարն ընդգծել է, որ ԱՄՆ-ը միտումնավոր անտեսում է անվտանգության անբաժանելիության սկզբունքը, երբ մի պետության խաղաղ գոյությանը չի կարելի հասնել մյուս պետության համար սպառնալիք ստեղծելով։
«Հատկանշական է, որ այժմ, երբ Եվրատլանտյան երկրներում իրավաբանորեն պարտվորեցնող երաշխիքների համաձայնեցման մեր առաջարկներին արևմտյան գործընկերները արձագանքում են, նրանք միշտ կոչ են անում իրականացնել համաձայնեցված սկզբունքները Եվրատլանտյան անվտանգության ճարտարապետության վերաբերյալ: Նրանք անմիջապես ասում են. դա նշանակում է, որ ՆԱՏՕ-ն իրավունք ունի ընդլայնվելու, ոչ ոք իրավունք չունի արգելել ՆԱՏՕ-ի անդամներին քննարկել որևէ այլ երկրի դիմումները»,- ասել է Լավրովը։
ՌԴ կողմից Անվտանգության երաշխիքների վերաբերյալ առաջարկներին նախօրեին ԱՄՆ-ն և ՆԱՏՕ-ն պատասխանել են Ռուսաստանին։ Հիմնվելով ԱՄՆ պետքարտուղար Էնթոնի Բլինքենի հայտարարությունների վրա՝ ամերիկյան փաստաթուղթն արտացոլում է ԱՄՆ-ի մտահոգությունները Ռուսաստանի անվտանգության գործողությունների վերաբերյալ և առաջարկություններ այն ոլորտներում, որտեղ երկրները կարող են ընդհանուր լեզու գտնել:
Տաթև Ֆռանգյան
