08.06.2026 | 15:36
ՄԻՊ ներկայացուցիչներն այցելել են «Զվարթնոցում» ձերբակալված Հովհաննես Սահակյանին
Moderna-ն սկսում է նոր պատվաստանյութի կլինիկական փորձարկումների երկրորդ փուլը
Քաղաքականություն
27.01.2022 | 14:08
Ամերիկյան Moderna ընկերությունը սկսել է կորոնավիրուսի օմիկրոն շտամի դեմ խթանող պատվաստանյութի կլինիկական փորձարկումների երկրորդ փուլը։ Այս մասին հաղորդվում է ընկերության կայքում։
«Moderna»-ն այսօր հայտարարել է, որ «Omicron» շտամի ադապտացված խթանող պատվաստանյութի 2-րդ փուլի ուսումնասիրության շրջանակում առաջին մասնակիցը ստացել է պատվաստանյութը», – ասվում է հայտարարության մեջ:
Այս փուլը կգնահատի պատվաստանյութի արդյունավետությունը մեծահասակ կամավորների երկու խմբի համար:
Առաջին խմբի մեջ մտնում են նրանք, ովքեր առաջնային պատվաստվել են Moderna-ի երկու բաղադրիչով, ընդ որում՝ երկրորդ բաղադրիչը պետք է ստացած լինի առնվազն վեց ամիս առաջ:
Երկրորդ խմբում ներառված են այն մարդիկ, որոնք նույնպես ստացել են խթանող չափաբաժինը, սակայն այս դեպքում դեղաչափը ստացել են առնվազն երեք ամիս առաջ:
Ընդհանուր առմամբ փորձարկմանը կմասնակցի 18 տարեկանից բարձր 600 մարդ։
Տաթև Ֆռանգյան
