10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
ԱՄՆ-ում կարծում են, որ Ռուսաստանը կարող է ներխուժել Ուկրաինա մինչև փետրվարի կեսերը
Քաղաքականություն
26.01.2022 | 20:12
Չինաստանի նախագահ Սի Ցզինպինը հիացած չի լինի, եթե Ռուսաստանն Ուկրաինա ներխուժի՝ այն դեպքում, երբ Պեկինի Ձմեռային օլիմպիական խաղերն են սկսվում հաջորդ ամիս։ Այս մասին ասել է ԱՄՆ պետքարտուղարի տեղակալ Վենդի Շերմանը, գրում է Nationalpost-ը։
Yalta European Strategy-ի կողմից կազմակերպված առցանց զրույցի ընթացքում Շերմանն ասել է, որ չգիտի՝ արդյո՞ք Ռուսաստանի նախագահ Վլադիմիր Պուտինը ներխուժելու որոշում կայացրել է, սակայն նշանները հուշում են, որ ներխուժումը կարող է տեղի ունենալ ներկա պահից մինչև փետրվարի կեսերը:
«Բոլորս տեղյակ ենք, որ Պեկինի օլիմպիական խաղերը սկսվում են փետրվարի 4-ին, բացման արարողությանը սպասվում է նախագահ Պուտինի մասնակցությունը։ Կարծում եմ՝ նախագահ Սի Ցզինպինը հիացած չէր լինի, եթե Պուտինն ընտրեր այդ պահը՝ Ուկրաինա ներխուժելու համար։ Ուստի դա կարող է ազդել նրա ժամանակի ու մտածողության վրա»,- ասել է Շերմանը։
Էմմա Չոբանյան
