10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Բողոքի ալիք Վրաստանում. ցուցարարները պահանջում են պատժել դեռահասին ծեծի ենթարկած ոստիկաններին
Քաղաքականություն
26.01.2022 | 21:10
Վրաստանի հինգ խոշոր քաղաքներում միաժամանակ բողոքի ակցիաներ են տեղի ունեցել. բողոքի ալիքի պատճառը Թբիլիսիի մետրոյում ոստիկանի կողմից խուլ ու համր անչափահասի ծեծն է, գրում է Սպուտնիկի ռուսական ծառայությունը։
Ցույցեր են անցկացվել Թբիլիսիում, Զուգդիդիում, Բաթումում, Գորիում և Թելավիում։ Բոլոր քաղաքներում ցույցերին մասնակցել են ընդդիմադիր «Միացյալ ազգային շարժում» կուսակցության առաջնորդները։
Մայրաքաղաքում ցուցարարները հավաքվել են իշխող «Վրացական երազանք-Ժողովրդավարական Վրաստան» կուսակցության կենտրոնական գրասենյակի մոտ։ Ակցիայի մասնակիցները պահանջել են բերման ենթարկված ոստիկաններին պատժել, իսկ տեղի ունեցածի պատասխանատվությունը դնել Վրաստանի ներքին գործերի նախարար Վախթանգ Գոմելաուրի վրա։
«Մենք պահանջում ենք բարձրացնել Գոմելաուրիի պատասխանատվության հարցը: Նա պետք է պատասխանատվություն ստանձնի հանցավոր արարքների համար, որոնք, ցավոք, կատարում են համազգեստով հանցագործները»,- ասել է ընդդիմադիր պատգամավոր Լևան Խաբեիշվիլին:
Տաթև Ֆռանգյան
