08.06.2026 | 18:45
Ադրբեջանի, Թուրքիայի և Վրաստանի ԱԳ նախարարները քննարկել են TRIPP-ը
Փարիզում մեկնարկել է «նորմանդական ձևաչափի» խորհրդականների հանդիպումը
Քաղաքականություն
26.01.2022 | 15:48
Փարիզում մեկնարկել է Դոնբասի հարցով «նորմանդական ձևաչափի» խորհրդականների հանդիպումը։ Այս մասին հայտնում է ՌԻԱ Նովոստին։
Ռուսաստանը ներկայացնում է ՌԴ նախագահի աշխատակազմի ղեկավարի տեղակալ Դմիտրի Կոզակը, իսկ Ֆրանսիան և Գերմանիան՝ Էմանուել Բոննը և Յենս Պլյոտները։ Խորհրդականները շփվում են Փարիզի Ելիսեյան պալատում։
Այս հանդիպումն անցկացվում է երկարատև դադարից հետո․ «նորմանդական ձևաչափի» չորս խորհրդականները վերջին անգամ հանդիպել են անցած տարվա սեպտեմբերին՝ տեսակապի միջոցով:
Հիշեցնենք՝ «նորմանդական քառյակը» կամ «նորմանդական ձևաչափը» չորս երկրների (Գերմանիա, Ֆրանսիա, Ռուսաստան և Ուկրաինա) խումբ է՝ ստեղծված Ուկրաինայի արևելքում իրավիճակի կարգավորման նպատակով:
Ձևաչափի սկիզբը դրվել է 2014 թվականի հունիսի 6-ին Գերմանիայի, Ֆրանսիայի, Ռուսաստանի և Ուկրաինայի ղեկավարների՝ Նորմանդիայում (Ֆրանսիա) կայացած հանդիպման ժամանակ։
Տաթև Ֆռանգյան
