10.09.2026 | 20:46
Կարդալ չգիտենք, վատ ենք հաշվում․ Հայաստանը վերջինն է տարածաշրջանում․ ՏԵՍԱՆՅՈՒԹ
Ռուսական բիզնեսը հետաքրքրված է Արցախի գրավյալ տարածքների վերականգնման նախագծերին մասնակցությամբ
Քաղաքականություն
26.01.2022 | 15:16
Ռուսական 14 ընկերություններ Ադրբեջանին հայտ են ներկայացրել՝ Արցախի գրավյալ տարածքներում վերականգնման նախագծերի մասնակցելու համար։ Այս մասին այսօր կայացած ասուլիսում հայտարարել է Ադրբեջանում ՌԴ դեսապան Միխայիլ Բոչարնիկովը, գրում են տեղական լրատվամիջոցները։
Նա նշել է, որ ռուսական բիզնեսը հետաքրքրված է Аրցախի գրավյալ տարածքների վերականգնման աշխատանքներին մասնակցությամբ։
«Ռուսական ընկերությունները 14 հայտ են ներկայացրել՝ նախագծերի կոնկրետ առաջարկներով։ Նրանց մեծ մասը կապալառուներ են, սակայն կան նաև ներդրումային ընկերություններ՝ գյուղատնտեսության և արդյունաբերության ոլորտներում»,-ասել է Բոչարնիկովը։
Դեսպանը նշել է, որ ռուսական կողմի ներկայացրած նախագծերն ընդգրկում են այնպիսի ոլորտներ, ինչպիսիք են երկաթուղային տեխնիկայի, շինանյութերի արտադրությունը, ֆերմերային տնտեսությունների ու էներգետիկ օբյեկտների ստեղծումը։
Բոչարնիկովը հավելել է, որ 2022 թվականին սպասվում է Ռուսաստանի և Ադրբեջանի միջև բիզնես առաքելությունների շատ արդյունավետ փոխանակում։
«Նախորդ տարի տեղի է ունեցել Ադրբեջանում Ռուսաստանի երկու բիզնես պատվիրակության այց՝ մոտ 50 ընկերության մասնակցությամբ։ Ռուսական ընկերությունների մասնակցության հարցը Ղարաբաղի ծրագրերում ևս այդ առաքելությունների կարևոր ասպեկտն է եղել»,- ասել է ՌԴ դեսպանը։
Հավելենք, որ ռուսական «ԿԱՄԱԶ»-ն ու Գանձակի ավտոմոբիլային գործարանը միասին ստեղծել են համատեղ ձեռնարկություն՝ Ջրականում աշխատելու համար։
Էմմա Չոբանյան
